ކުރުނބީ އައު ހެލްތު ސެންޓަރު އިމާރާތްކުރަން އެމްޓީސީސީއާ ހަވާލުކޮށްފި
ހދ.ކުރިނބީގައި އިމާރާތްކުރުމަށް ސަރުކާރުން ނިންމި އައު ހެލްތު ސެންޓަރުގެ މަސައްކަތް ކުރުމަށް އެމްޓީސީސީއާ ހަވާލުކޮށްފިއެވެ.
ހެލްތު ސެންޓަރު އެޅުމުގެ މަސައްކަތް ހަވާލުކޮށްފައިވަނީ މިހާރު ރައީސުލްޖުމްހޫރިއްޔާ ކުރިނބީއަށް ކުރެއްވި ޒިޔާރަތުގެ ތެރެއިންނެވެ. މިކަމަށްޓަކައި މިއަދު ބޭއްވި ރަސްމިއްޔާތުގައި، އެމްޓީސީސީގެ ފަރާތުން ސޮއިކުރެއްވީ އެކުންފުނީގެ މެނޭޖިންގ ޑިރެކްޓަރ ޑ.ީސ.ީޕީ (ރިޓާޔަޑް އަޙްމަދު ސަޢުދީއެވެ. އަދި ޞިއްޙީ ވުޒާރާގެ ފަރާތުން ސޮއިކުރެއްވީ ވަޒީރު ޢަބްދުﷲ ނާޒިމް އިބްރާހިމެވެ.
މި އެއްބަސްވުމުގެ ދަށުން އެއްއަހަރުދުވަހުގެ ތެރޭގައި އެމްޓީސީސީން އެ އިމާރާތުގެ މަސައްކަތް ނިންމައި ހަވާލުކުރަން ޖެހެއެވެ. ކުރިނބީ ސިއްހީމަރުކަޒު ތަރައްޤީކުރަނީ 24 ގަޑިއިރު ހިދުމަތްދެވޭ އުސޫލުން ގިަނ ހިދުމަތްތަކެއް ހިމަނައިގެންނެވެ.އެގޮތުން ލެބޯޓްރީއާއި ޕްރޮސީޖަރ ރޫމްގެ އިތުރުންވެސް ރަށެއްގެ ރައްޔިތުންނަށް ކޮންމެހެން ލިބެންޖެހޭ ސިއްހީ ހިދުމަތްތައް މި މަރުކަޒުން ދެވޭގޮތަށް ސަރުކާރުން ވަނީ ޕްލޭންކޮށްފައެވެ.
ކުޑަރަށެއް އަދި ބޮޑުރަށެއް ނުބަލައި އެއް މިންގަނޑަކުން ރައްޔިތުންނަށް ކޮންމެހެން ބޭނުންވާ ހިދުމަތްތައް ވީހާވެސް އަވަހަކަށް ދިނުމަކީ ސަރުކާރުގެ ސިޔާސަތެކެވެ.
Advertisement
This content is created and paid for by advertisers and does not involve Voice Journalists
