ސަރުކާރު ހިންގާ ކޮންގްރެސް ޕާޓީގެ ޕީޖީ ލީޑަރު އިބްރާހިމް ފަލާހް، ނޫސްވެރީން އުލުބައިދަން ގޮވާލި އަނިޔާވެރި ގޮވާލުމުގެ މައްސަލަ ބައްލަވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު މިއަދު ވިދާޅުވެއްޖެ އެވެ.
މަޖިލީހުގެ ޖަލްސާއެއްގައި ފަލާހު ވަނީ ނޫސްވެރީން އުލުބައިދަން ޖެހޭ ކަމަށް ތަކުރާރުކޮށް ވިދާޅުވެފަ އެވެ. އޭނާގެ އެ ވާހަކަތަކަށް ވަރަށް ގިނަ ބަޔަކު ދަނީ ފާޑުކިޔަމުންނެވެ. އަދި އެކަން ނޫސްވެރީންނާއި މީޑިއާތަކާއި މީޑިއާތަކުގެ ބެލެނިވެރި ފަރާތްތަކުން ވަނީ ކުށްވެރި ކޮށްފަ އެވެ.
މިއަދު ރައީސް އޮފީހުން، ރައީސްގެ ރަސްމީގެކޮޅަށް ހިންގަވާފައި ވަޑައިގަންނަވަނިކޮށް ނޫސްވެރީންތަކެއް ވަނީ އެ މައްސަލާގައި ފިޔަވަޅު އަޅާނެތޯ ސުވާލުކޮށްފަ އެވެ.
ކުރީން ނޫސްވެރިކަން ކޮށް މިހާރު ސިޔާސީ ކަންކަމުގައި އުޅޭ ބައެއް މީހުންގެ ފަރާތުން ވަރަށް ދެރަވަރު އަމަލުތައް އެވަގުތު ފެނުނު ނަަމަވެސް ރައީސް ވަނީ އެ ސުވާލަށް ޖަވާބު ދެެއްވާފަ އެވެ.
ވިދާޅުވީ އުލުބައިންދަން ނުގޮވޭނެ ކަމަށެވެ. އަދި މައްސަލަ ބައްލަވާނެ ކަމަށް ފަލާހު ނިސްބަތްވާ ކޮންގްރެސް ޕާޓީގެ ރައީސްގެ މަގާމު ވެސް ފުރުއްވާ ރައީސް މުއިއްޒު ވިދާޅުވި އެވެ.
Advertisement
This content is created and paid for by advertisers and does not involve Voice Journalists
