ދިގު މުއްދަތަކަށް ހިދުމަތްކޮށްފައިވާ ފުލުހުންގެ އަގު ވަޒަން ކޮށްފި
ފުލުހުންގެ ހިދުމަތުގައި ދިގު މުއްދަތެއްގައި ހިދުމަތް ކުރައްވާފައިވާ މުވައްޒަފުންގެ އަގު ވަޒަންކޮށްފި އެވެ.
އެ މުވައްޒަފުންގެ އަގު ވަޒަންކޮށްފައި ވަނީ ފުލުހުންގެ ހިދުމަތުގެ ދުވަހުގެ ރަސްމީ ޖަލްސާ ގަ އެވެ. މި ޖަލްސާގައި ވަނީ ދިގު މުއްދަތަކަށް ހިދުމަތްކޮށްފައިވާ ފުލުހުންގެ އަގު ވަޒަންކޮށް ހަނދާނީ ފިލާ ދީފަ އެވެ. އެގޮތުން ފުލުހުންގެ ހިދުމަތުގައި 35 އަހަރު، 30 އަަހަރު، 25 އަހަރު އަދި 20 އަހަރަށްވުރެ ދިގު މުއްދަތެއްގައި ހިދުމަތް ކޮށްފައިވާ މުވައްޒަފުންނަށް ހަނދާނީ ފިލާ ދީފައިވެއެވެ.
މި މުވައްޒަފުންނަށް ހަނދާނީ ފިލާ ހަވާލުކޮށްދެއްވީ ދާހިލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިހުސާން އެވެ.
ދިގު މުއްދަތަކަށް ހިދުމަތްކޮށްފައިވާ ފުލުހުންގެ އަގު ވަޒަން ކުރުން -- ފޮޓޯ: ޕޮލިސް
މިއަދު ފާހަގަކުރާ ފުލުހުންގެ ހިދުމަތު ދުވަހަކީ 2004 ވަނަ އަހަރު ދިވެހި ފުލުހުންގެ މުއައްސަސާ ވަކި މުއައްސަސާއެއްގެ ގޮތުގައި އުފެދި ހިދުމަތްދޭން ފެށި ދުވަހެވެ. އެގޮތުން މިއަހަރު ފާހަގަކުރަމުންދަނީ ދިވެހި ފުލުހުންގެ މުއައްސަސާ ވަކި މުއައްސަސާއެއްގެ ގޮތުގައި އުފެދި ހިދުމަތްދޭތާ 21 ވަނަ އަހަރެވެ.
Advertisement
This content is created and paid for by advertisers and does not involve Voice Journalists
