މަގޭ ސޯލާ ޕްރޮގްރާމުގެ ދަށުން، ފޭދޫގައި ސޯލާ ޕެނަލްތައް ހަރުކުރަން ފަށައިފި
ސަރުކާރުގެ އިއާދަކުރަނިވި ހަކަތަ "މަގޭ ސޯލާ ޕްރޮގްރާމުގެ ދަށުން، ށ.ފޭދޫގައި ސޯލާ ޕެނަލްތައް ހަރުކުރުމުގެ މަސައްކަތް ފެނަކަ ކޯޕަރޭޝަނުން ފަށައިފިއެވެ.
ފެނަކައިން އެކްސްގައި ކުރި ޕޯސްޓެއްގައި ވަނީ ފޭދޫގެ ބައެއް ގެތަކުގައި ސޯލާ ޕެނަލްތައް ހަރުކުރުމުގެ މަސައްކަތް ކުރިއަށްދާކަން ހިއްސާކޮށްފައެވެ. މަގޭ ސޯލާ ޕްރޮގްރާމަކީ ސަރުކާރުގެ ސިޔާސަތުގެ ތެރެއިން ކުރިއަށްގެންދާ ޕްރޮގްރާމެކެވެ. މި ޕްރޮގްރާމް އިފްތިތާހްކޮށްފައިވަނީ، 2023 ވަނަ އަހަރުގެ ނޮވެމްބަރުމަހުގެ ތެރޭގައެވެ.
މި ޕްރޮގްރާމުގެ ދަށުން ރ.އަތޮޅު ވާދޫގައިވެސް ސޯލާ ޕެނަލްތައް ހަރުކުރުމުގެ މަސައްކަތް ފެބަކައިން ދަނީ ކުރަމުންނެވެ.
ވާދޫއަކީ މަގޭ ސޯލާ ޕްރޮގްރާމް ކުރިއަށްގެންދިއުމަށް ނިންމި ރަށްތަކުގެ ތެރެއިން ރަށެކެވެ. ރ. ވާދޫއަށް ބޭނުންވާ ހުރިހާ ހަކަތައެއް ސޯލާ މެދުވެރިކޮށް އުފައްދައި އަދި އެ ރަށަކީ އިއާދަކުރަނިވި ހަކަތައިން ހިންގާ ރަށަކަށް ހެދުމަށް ރައީސުލްޖުމްހޫރިއްޔާ ނިންމަވާފައިވަނީ މިއަހަރުގެ މެއިމަހުގެ ތެރޭގައެވެ.
Advertisement
This content is created and paid for by advertisers and does not involve Voice Journalists
