އަދީލްގެ އޮޓޮޕްސީ ހަދައި، 13 ދުވަސް ފަހުން ވަޅުލައިފި
ރިސޯޓެއްގައި މަރުވި 21 އަހަރުގެ ޒުވާނާގެ އޮޓޮޕްސީ ހަދައި ރޭ ފަތިހު ވަޅުލައިފި އެވެ.
ބ. އަތޮޅުގައި ހިންގާ ރިސޯޓެއްގައި 21 އަހަރުގެ ދިވެހި ފިިރިހެނަކު މަރުވެފައިވާ މައްސަލަ ފުލުހަށް ރިޕޯޓް ކުރީ މިދިޔަ މަހުގެ 23 ވަނަ ދުވަހު އެވެ. އެ ދުވަހުން ފެށިގެން އޮޓޮޕްސީ ހެދުމާއި ހަމައަށް ޒުވާނާގެ ހަށިގަނޑު އޮތީ މޯޗަރީގަ އެވެ. ޒުވާނާގެ ހަށިގަނޑު އާއިލާއާ ހަވާލުނުކޮށް މޯޗަރީގައި ބާއްވާތީ އެކަމާ އާއިލާ އިން ކަންބޮޑުވުން ފާޅުކުރި އެވެ.
ނަމަވެސް މި މައްސަލާގައި އިތުރަށް ބަލަން ޖެހޭ ކަންކަން ބަލާ މަރުވި ސަބަބު ދެނެގަތުމަށް އޮޓޮޕްސީ ހެދުމަށް ތަހުގީގު ޓީމުން ނިންމުމުން ޒުވާނާގެ ހަށިގަނޑު ބޭރަށް ފޮނުވާ އޮޓޮޕްސީ ވަނީ ހަދާފަ އެވެ.
ރިސޯޓެއްގައި ނިޔާވީ ކ. ގުރައިދޫ ތަނޑިރަތްމާގެ އަދީލް އަހްމަދު އެވެ. އަދީލްގެ މައްޗަށް ކަށުނަމާދުކޮށް ރޭ ފަތިސް ނަމާދަށް ފަހު ވަނީ ވަޅުލާފަ އެވެ.
Advertisement
This content is created and paid for by advertisers and does not involve Voice Journalists
