ގެދޮރުވެރިޔާގެ ފްލެޓްތަކުގެ 4،000 ފްލެޓްތަކުގެ ތެރެއިން ނިމިފައިވާ ފްލެޓްތަކަށް ޢާންމުން ވެއްދުމުގެ މަސައްކަތްކުރާއިރު، އެ މަސައްކަތް އެެންމެ ފުރަތަމަ ކުރާނީ 14 ވަނަ ޓަވަރުން ފެށިގެން ކަމަށް ފަހި ދިރިއުޅުން ކޯޕަރޭޝަން (އެފްޑީސީ)އިން ބުނެފިއެވެ.

ވޮއިސްއާ މައުލޫމާތު ހިއްސާކުރަމުން ކުންފުނިން ބުނީ، ގެދޮރުވެރިޔާގެ ސްކީމުގެ ފްލެޓްތައް ދިނުމުގެ މަސައްކަތް މާދަމާއިން ފެށިގެން ކުރިޔަށްދާނެ ކަމަށާއި، އެގޮތުން އެންމެ ފުރަތަމަ ހަވާލުކުރާނީ ހުޅުމާލެ ދެވަނަ ފިޔަވަހި ނިރޮޅު މަގު ކައިރީގައިވާ "އަމާން އުދަރެސް"ގެ 14 ވަނަ ޓަވަރުގެ ތަޅުދަނޑިތައް ކަމަށެވެ.

އެގޮތުން މިހާތަނަށް ނިމިފައިވާ ތަންތަނުގެ ތެރެއިން އެފްޑީސީން ކުއްޔަށް ދޫކުރަން ހަމަޖެހިފައިވާ ޔުނިޓުތަކަކީ:

އެފްޑީސީން މީގެ ކުރިން ބުނި ގޮތުގައި، ތަޅުދަނޑި ހަވާލުކުރާނީ ޓަވަރުތަކުގެ އެއްބަސްވުމުގައި ސޮއިކުރުމަށްފަހު ސެކިއުރިޓީ ޑިޕޮސިޓް ދެއްކުމަށް ގެދޮރުވެރިކަމާ ބެހޭ ވުޒާރާއިން ނަން ފޮނުވާފައިވާ މީހުންނަށެވެ. އަދި ނިމިފައިވާ ޓަވަރުތަކުގެ ތެރެއިން ސެކިއުރިޓީ ޑިޕޮސިޓް ފައިސާ ދައްކާ ޓަވަރުތައް ޢާންމުންނަށް ހަވާލުކުރުން ކުރިއަށްދާނެކަމަށް ވެސް އެފްޑީސީން ބުންޏެވެ.

ގެދޮރުވެރިޔާގެ ދަށުން ޢިމާރަތްކުރަމުން އަންނަ ފްލެޓްތައް ޢިމާރަތްކުރަނީ އިންޑިޔާގެ ދެ ކުންފުންޏަކުންނެވެ. އެ ފްލެޓްތަކުގައި ދެ ކޮޓަރީގެ އެޕާޓްމެންޓްތަކާއި ތިން ކޮޓަރީގެ އެޕާޓްމެންޓުތައް ހުންނައިރު، ދެ ކޮޓަރީގެ އެޕާޓްމަންޓުތައް ދޫކުރަނީ 7،000 ރުފިޔާއަށެވެ. އެ ތަންތަނުގެ މެއިންޓެނަންސް ފީގެ ގޮތުގައި 1،000 ރުފިޔާ ނަގާއިރު، ސެކިއުރިޓީ ޑިޕޮސިޓުގެ ގޮތުގައި ދައްކަން 15،000ރ. ދައްކަން ޖެހެއެވެ.

އަދި ތިން ކޮޓަރީގެ އެޕާޓްމެންޓުތައް 9،500 ރުފިޔާއަށް ދޫކުރާއިރު، މެއިންޓެނެންސް ފީގެ ގޮތުގައި 1،5000 ރުފިޔާ އަދި ސެކިއުރޓީ ޑެޕޮސިޓްގެ ގޮތުގައި 25،000 ރުފިޔާ ދައްކަން ޖެހެއެވެ.