ރާއްޖޭގެ ބާޒާރުގައި އޮރެންޖު ލިބުން ދަތިވެ، އަގުބޮޑުވުމާ ގުޅިގެން ރައްޔިތުންގެ ކުންފުނި އެސްޓިއޯއިން އޮރެންޖު ގެނެސް ސުޕަމާކެޓުގައި ވިއްކަންފަށައިފިއެވެ.
އެސްޓީއޯއިން ބުނީ ސުޕަމާޓުން މިހާރު ހެޔޮއަގުގައި އޮރެންޖު ލިބެން ހުންނާނޭކަމަށެވެ. އެސްޓީއޯއިން އޮރެންޖު ވިއްކަނީ ކިލޯއެއް 35 ރުފިޔާގެ މަގުންނެވެ. އެގޮތުން އެއީ ވަކިން ބަލާނަމަ ގާތްގަނޑަކަށް 5 ނުވަތަ 6 ރުފިޔާއެވެ. އެސްޓީއޯއިން އޮރެންޖު ގެނެސްގެން ހެޔޮއަގުގައި ވިއްކަން މި ފެށީ، ބާޒާރުން އޮރެންޖު ލިބުން މަދުވެ، އޭގެ އަގު ވަރަށްބޮޑަށް އުފުލިފައިވަނިކޮށެވެ.
އޮރެންޖު ލިބުން ދަތިވެ އަގު ބޮޑުވުމާ ގުޅިގެން ބައެއް އާންމު ރައްޔިތުން ދަނީ ކަންބޮޑުވުން ފާޅުކުރަމުންނެވެ. އޮރެންޖަކީ ދިވެހިން ވަރަށްގިނައިން ބޭނުންކުރާ މޭވާއެކެވެ.
އެސްޓީއޯ އޮރެންޖު އެޑް
ބާޒާރުގައި އޮރެންޖެއްގެ އަގު މިވަގުތު އުޅެނީ 12 ރުފިޔާއަށެވެ. ގިނަ ފިހާރަތަކުން މިހާރު އޮރެންޖު ނުވެސް ލިބެއެވެ. މިދުވަސްވަރު ދުބާއީ ފަދަ ޤައުމުތަކުންވެސް އޮރެންޖު ލިބުން ދަތިކަމަށް ވިޔަފާރިވެރިން ބުނެއެވެ. އެންމެގިނައިން ރާއްޖެއަށް އޮރެންޖު އެތެރެކުރާ މިސްރުގެ ބާޒާރުތަކުގައިވެސް މިހާރު އޮރެންޖުގެ އަގު ވަނީ އުފުލިފައެވެ.
އެގޮތުން މިސްރުގައި އޮރެންޖު ކިލޯއެއް މިހާރު ލިބެންހުރީ 50 ނުވަތަ 70 މިސްރު ޕައުންޑްގެ އަގުތަކެއްގައެވެ. އެއީ ދިވެހި ރުފިޔާއިން ބަލާނަމަ، 15 ރުފިޔާ އާއި 25 ރުފިޔާ އާ ދެމެދުގެ އަގުތަކެއްގައެވެ.
Advertisement
This content is created and paid for by advertisers and does not involve Voice Journalists
