އިންޓަނޭޝަނަލް އެއިޑް ކެމްޕެއިން (އައިއޭސީ) އިން އިތުރު ޕްރޮޖެކްޓެއް ކުރިއަށް ގެންދަން ނިންމާ މިހާރު ވަނީ އިއުލާނު ކޮށްފަ އެވެ. ދުނިޔޭގެ އެކި ކަންކޮޅުތަކުގައި ހާލުގައި ޖެހިފައިވާ މުސްލިމުންނަށް ދިވެހީންގެ އެހީ ފޯރުކޮށް ދެމުންދާ އައިއޭސީން މި ފަހަރު ފެށުމަށް ހަމަޖެހިފައިވަނީ ފެންވަޅު ޕްރޮޖެކްޓެކެވެ.
އައިއޭސީގެ "ވޯޓާ ވެލް ޕްރޮޖެކްޓް" އަކީ ދުނިޔޭގެ އެކި ކަންކޮޅުތަކުގައި ދިރިއުޅޭ މީހުންގެ ތެރެއިން ސާފު ފެން ނުލިބޭ މީހުންނަށް ފެން ލިބޭނެ އިންތިޒާމު ފަހިކުރުމަށްޓަކައި ފެންވަޅުތަކެއް ބެހެއްޓުމަށް ކުރިއަށް ގެންދާ ޕްރޮޖެކްޓެކެވެ. މި ޕްރޮޖެކްޓްގައި ބައިވެރިވުމުގެ ފުރުސަތު ކޮންމެ މީހަކަށްވެސް އޮންނާނެ އެވެ.
މިއީ ލިބޭނެ ރަނުގެ ފުރުސަތެކެވެ. ވަކީން ހާއްސަކޮށް ތިމާ ލޯބިވާ މީހުންނަށްޓަކައި ކޮށްދެވޭނެ މިއީ ވަރަށް ހެޔޮ އަމަލެކެވެ.
އައިއޭސީން މި ފަހަރު ކުރިއަށް ގެންދާނީ ފެންވަޅު ޕްރޮޖެކްޓެއް
އަހަރެމެންގެ ތެރެއިން ބައެއް މީހުންނަކީ އެ މީހުންގެ ލޯބިވާ މަންމަ ނުވަތަ ބައްޕަ ނުވަތަ މާމަ ނުވަތަ ކާފަ ވަކިވެ ގޮސްފައިވާ މީހުންނެވެ. ނޫންނަމަ ލޮލުގެ ކޮއެފަދަ ދަރީން ނުވަތަ ހަޔާތުގެ ބައިވެރީން ވަކިވެ ގޮސްފައިވާ މީހުން ވެ އެވެ.
އެ މީހުން ވަކިވެ ދިޔަނަމަވެސް އަހަރެމެންގެ ހިތުގައި އެ މީހުންނަށްޓަކައި އޮތީ ހާއްސަ ލޯތްބެކެވެ. ހެޔޮ ދުއާތައް ވަނީ އެކުގަ އެވެ. ކޮންމެ ރެއަކާއި ދުވާލު އެތައް ފަހަރު އެ މީހުންނަށްޓަކައި ހެޔޮ ދުއާ ކުރެވެ އެވެ.
ފެންވަޅު ޕްރޮޖެކްޓްގައި ބައިވެރިވެ އެ މީހުންނަށްޓަކައި ފެންވަޅެއް ބަހައްޓައިދީފިނަމަ އެ ކޮށްދެވެނީ ދެމިގެންދާނެ ހެޔޮ އަމަލެކެވެ. އެންމެ ލޯބިވާ މީހުންނަށްޓަކައި މިއަދު ކޮށްދެެވޭނެ އެންމެ މުހިންމު ކަމަކަށް އެކަން ވެގެންދާނެ އެވެ. އެ ފުރުސަތު މިއަދު ތިބާއަށް އެބަ އޮތެވެ.
އައިއޭސީން މި ފަހަރު ކުރިއަށް ގެންދާނީ ފެންވަޅު ޕްރޮޖެކްޓެއް
އައިއޭސީގެ ފެންވަޅު ޕްރޮޖެކްޓްގެ ބޭނުމަކީ އެ ފުރުސަތު ތިޔަ އަހުންނާއި އުހުތުންނަށް ފަހިކޮށް ދިނުމެވެ. ފެންވަޅެއް ބަހައްޓަން ބޭނުންނަމަ އެ ފުރުސަތު މި އޮތީ ފަހިވެފަ އެވެ. ފިހާރައަކަށް ގޮސް އެެއްޗެއް ގަނެ ފައިސާ ދައްކާލާހާ ފަސޭހަކޮށް މިއަދު މިކަން ކޮށްލެވޭނެ މަގު މި އޮތީ ތަނަވަސްވެފަ އެވެ.
އައިއޭސީން އެކަމަށް ހާއްސަ ލިންކުން ފެންވަޅުގެ އަގުތަށް ފެންނާނެ އެވެ. އެ ލިންކު އައިއޭސީގެ ޕޭޖްތަކުން ފެންނަން ހުންނާނެ އެވެ.
ފެންވަޅާ ބެހޭ މައުލޫމާތު ސާފުކުރުމަށް 9458822 އަށް ގުޅުމަށް އައިއޭސީއިން އެދެ އެވެ.
Advertisement
This content is created and paid for by advertisers and does not involve Voice Journalists
