ޗެމްޕިއަންސް ލީގުގައި ރޭ އެންފީލްޑްގައި ކުޅުނު ފޯރިގަދަ މެޗުގައި ލިވަޕޫލް އިން، އެޓްލެޓިކޯ މެޑްރިޑް އަތުން 3-2 އިން މޮޅުވެއްޖެއެވެ. މެޗް އެއްވަރުވާނެ ކަމަށް ލަފާކުރެވުނު ނަމަވެސް، އިތުރު ވަގުތުގައި ލިވަޕޫލުގެ ކެޕްޓަން ވާޖިލް ވަން ޑައިކް ޖެހި ލަނޑުން ލިވަޕޫލް ވަނީ މޮޅުވެފައެވެ.

މެޗުގެ ފެށުނީއްސުރެ ލިވަޕޫލް ދިޔައީ މޮޅަށް ބޯޅަ ގެންގުޅެ، އަވަސް ގޭމެއް ކުޅެމުންނެވެ. މެޗުގެ ހަތަރުވަނަ މިނެޓްގައި މުހައްމަދު ސަލާހުގެ ފްރީކިކުން އެންޑީ ރޮބަޓްސަން ވަނީ ފުރަތަމަ ލަނޑު ޖަހާފައެވެ. އަދި އޭގެ ދެ މިނެޓް ފަހުން ސަލާހު އަމިއްލައަށް ދެވަނަ ލަނޑު ޖެހިއެވެ. ނަމަވެސް ފުރަތަމަ ހާފުގެ އިތުރު ވަގުތުގައި މާކޯސް ލޮރެންޓޭ ވަނީ އެޓްލެޓިކޯއަށް ފުރަތަމަ ލަނޑު ޖަހައިދީފައެވެ. އަދި 81 ވަނަ މިނެޓްގައި އޭނާ ޖެހި ދެވަނަ ލަނޑުން މެޗް ވަނީ 2-2 އިން ހަމަހަމަވެފައެވެ.

އެހެންނަމަވެސް ލިވަޕޫލުން ތިބީ ދޫދޭ ގޮތަކަށް ނޫނެވެ. މެޗުގެ 92 ވަނަ މިނެޓްގައި ކޯނަރަކުން ނެގި ހުރަހަކުން ވަން ޑައިކް ބޮލުން ޖަހައި، ލިވަޕޫލް މެޗުން ކާމިޔާބުކޮށްދިނެވެ. މި ލަނޑުގެ ފަހުން އެޓްލެޓިކޯގެ ކޯޗް ޑިއެގޯ ސިމިއޯނީ ވަނީ ރަތް ކާޑު ދައްކައި މެޗުން ބޭރުކޮށްލާފައެވެ.

މި މެޗުގައި ލިވަޕޫލްގެ އައު ސޮއިކުރުން އަލެކްސަންޑަރ އިސާކް ވަނީ އޭނާގެ ފުރަތަމަ މެޗު ކުޅެފައެވެ. އޭނާއަށް ލަނޑު ޖެހުމުގެ ފުރުސަތުތަކެއް ލިބުނު ނަމަވެސް، ލަނޑެއް ޖެހިފައެއް ނުވެއެވ.