ސަޢުދިއަރަބިއްޔާގެ އިސް މުފްތީ އައްޝައިހް އަބްދުލް އަޒީޒް އާލުއް ސައިޚް އަވަހާރަވެއްޖެ އެވެ.
ޝައިހް އަވަހާރަވީ އާލާސްކަންފުޅާ އުޅުއްވުމަށް ފަހު މިއަދުގެ ވަގުތެއްގަ އެވެ. ސައުދީ ސަރުކާރުގެ ކަމާގުޅުންހުރި އިދާރާތަކުން ވަނީ އެކަން ހާމަކުރައްވާފަ އެވެ.
ޝައިހް އަބްދުލް އަޒީޒް އާލުއް ޝައިހް އަކީ މި ފަހުން ދުނިޔެ ދުށް އެންމެ ބޮޑު އިލްމުވެރީންގެ ތެރޭން ބޭފުޅެކެވެ. ވަރަށް ގިނަ އަހަރުތަކެއް ވަންދެން އަރަފާތު ބިމުގައި ހުތުބާ ދެއްވާފައިވެ އެވެ.
އިސް މުފްތީ އަވަހާރަވުމާއި ގުޅިގެން އެ ގައުމުގެ ސަރުކާރުން ވަނީ މުފްތީގެ ޖަނާޒާ މިއަދުގެ އަސްރު ނަމާދަށް ފަހު ބޭއްވުމަށް ހަމަޖައްސާފަ އެވެ. ޖަނާޒާ އޮތީ ރިޔާދުގެ އަމީޔޫ އިމާމު އަހްތޫރުކީ ގަ އެވެ.
މީގެ އިތުރުން ދެ ހަރަމްފުޅާއި ސައުދީގެ ހުރިހާ މިސްކިތްތަކެއްގައި ވެސް ޝައިހް އަބްދުލް އަޒީޒް އާލުއް ސައިޚްގެ މައްޗަށް ޣައިބަށް ކަށުނަމާދު ކުރުމަށް ސައުދީ ރަސްގެފާނު ވަނީ އަންގަވާފަ އެވެ.
Advertisement
This content is created and paid for by advertisers and does not involve Voice Journalists
