ފާދިއްފޮޅު ނައިފަރާއި ހުވަދޫ އަތޮޅު އުތުރުބުރީ ވިލިނގިލީގައި ޕާސްޕޯޓްގެ ހިދުމަތް ފަށައިފި އެވެ.
މޯލްޑިވްސް އިމިގްރޭޝަނުން މިއަދު ބުނީ ޅ. ނައިފަރުގައި ރޭ ވަނީ ޕާސްޕޯޓުގެ ޚިދުމަތް ރަސްމީކޮށް ފަށާފައި ކަމަށެވެ. އަދި ޅ. އަތޮޅުން ޕާސްޕޯޓު ނެގުމަށް ބޭނުންވާ މީހުންނަށް މިހާރު "އިމުގާ" މެދުވެރިކޮށް އޮންލައިންކޮށް ޕާސްޕޯޓަށް ހުަށަހަޅާއިރު "ކަލެކްޝަން ޕޮއިންޓް" ގެ ގޮތުގައި ޅ. ނައިފަރު ހިޔާރުކުރެވޭނެ ކަމަށެވެ.
މީގެ އިތުރުން ހުވަދުއަތޮޅު އުތުރުބުރީގައި ވެސް ވަނީ ޕާސްޕޯޓް ހިދުމަތް ފަށާފަ އެވެ.
އިމިގްރޭޝަނުން ބުނީ ގއ. އަތޮޅުގައި ޕާސްޕޯޓުގެ ޚިދުމަތް ފަށާފައިވާ ކަމަށެވެ. އެ ހިދުމަތް ފެށީ މިދިޔަ ހުކުރު ދުވަހުގެ އެވެ.
ޕާސްޕޯޓްގެ ހިދުމަތް ފެށުމާއެކު ގއ. އަތޮޅުން ޕާސްޕޯޓު ނެގުމަށް ބޭނުންވާ މީހުންނަށް މިހާރު "އިމުގާ" މެދުވެރިކޮށް އޮންލައިންކޮށް ޕާސްޕޯޓަށް ހުަށަހަޅާއިރު "ކަލެކްޝަން ޕޮއިންޓް" ގެ ގޮތުގައި ގއ. ވިލިނގިލި ހިޔާރުކުރެވޭނެ ކަމަށް ބުންޏެވެ.
ސަރުކާރުގެ އަމާޒަކީ ހުރިހާ އަތޮޅެއްގައި ޕާސްޕޯޓްގެ ހިދުމަތް ފެށުމެވެ. އެ އަމާޒަށް ވާސިލުވުމަށް މިހާތަނަށް ގިނަ މަސައްކަތްތަކެއްކޮށް ގިނަ އަތޮޅުތަކުގައި އެ ހިދުމަތް މިހާރު ވަނީ ފަށާފަ އެވެ.
Advertisement
This content is created and paid for by advertisers and does not involve Voice Journalists
