ރައިޓްސް އެސޯސިއޭޝަންގެ ނަމުގައި އައު ޖަމިއްޔާއެއް އުފައްދައިފި އެވެ.

މިއީ އިސްލާމީ ޝަރީޢަތާއި ދިވެހިރާއްޖޭގެ ޤާނޫނު އަސާސީއާ ޚިލާފު ނުވާނެ ގޮތުގެ މަތިން، އެންމެހައި ޙައްޤުތައް ކުރިއަރުވައި ޙިމާޔަތް ކުރުމުގެ މަގްސަދުގައި އުފެއްދި ޖަމިއްޔާ އެކެވެ.

އެ ޖަމިއްޔާގެ މައިގަނޑު މަސައްކަތްތަޔަކީ މުޖުތަމަޢުގެ އަފުރާދުންނަށް ލިބިދީފައިވާ ޙައްޤުތަކާ މެދުގައި ހޭލުންތެރިކަން އިތުރުކުރުމާއި އެ ޙައްޤުތައް ކަށަވަރުކުރުމަށް ޖަމްޢިއްޔާ ފެންވަރުގައި އެކި ގޮތްގޮތުން އެހީތެރިކަން ފޯރުކޮށްދިނުމެވެ.

ރައިޓްސް އެސޯސިއޭޝަން އުފެއްދުން --

ރޭ އަރަބިއްޔާ ސުކޫލުގައި އޮތް ކުޑަ ރަސްމިއްޔާތެއްގައި މި ޖަމްޢިއްޔާގެ އިފްތިތާޙީ ޖަލްސާގައި ވާހަަކަ ދައްކަވަމުން ޖަމްޢިއްޔާގެ ރައީސް އައްޝައިޚް ޒަމްޒަމް ފާރިޝް ވަނީ އިހުގައި ދިވެހިރާއްޖޭގައި ދީނީ ޢިލްމުވެރިންނާއި ދީނަށް އުޅުމަށް މަސައްކަތް ކުރި ގިނަ ބަޔަކު، އެމީހުންގެ ޙައްޤުތަކުން މަޙްރޫމު ކުރެވުނު ގޮތާ މެދު ވާހަކަ ދައްކަވާފަ އެވެ. އަދި އެކަންކަން ކުރިއަށް އޮތް ޖީލުތަކަށް ކުރިމަތި ނުވާނެ ގޮތް ހޯދައިދިނުމުގެ މުހިންމު ކަމާ މެދު ވެސް ޝައިޚް ވާހަކަ ދައްކަވާފައި ވެއެވެ.

ރައިޓްސް އެސޯސިއޭޝަން އުފެއްދުން --

ރޭގެ ޖަލްސާގައި، ޖަމްޢިއްޔާގެ ލޯގޯ ތަޢާރަފު ކުރުމާއި، އޭގެ މާނަތައް ތަފުޞީލު ކޮށްދިނުން ވެސް ކުރިއަށް ދިޔައެވެ. ލޯގޯ ތަޢާރަފު ކޮށްދެއްވީ، ތަޢުލީމީ ދާއިރާގައި ގިނަ އަހަރުތަކެއްގެ ތަޖުރިބާކާރު ބޭފުޅެއް ކަމުގައިވާ ޒިޔާދު ރަޝާދެވެ.

ރައިޓްސް އެސޯސިއޭޝަން އުފެއްދުން --

މީގެ އިތުރުން، ވޭތުވެދިޔަ މާޒީގައި ސުންނަތަށް ޢަމަލު ކުރުމަށް މަސައްކަތް ކުރެއްވި ގިނަ ދިވެހި ރައްޔިތުންތަކަކަށް ކުރިމަތިވި ގޮންޖެހުންތަކާއި، ލިބުނު އަނިޔާތަކާ މެދު ޖަމްޢިއްޔާގެ އެޑްވައިޒަރީ ބޯޑު މެންބަރު އައްޝައިޚް އާދަމް ނިޝާން ވަނީ އެ ޖަމިއްޔާގެ ބައިވެރިންނާ ހިއްސާ ކުރެއްވި އެވެ.

ރައިޓްސް އެސޯސިއޭޝަން އުފެއްދުން --

އަދި ޒަމާނަށް އަންނަ ބަދަލުތަކާ އެކު، އިސްލާމްދީނާ އެދީނުގެ އަހުލުވެރިންގެ ޙައްޤުތައް ޙިމާޔަތް ކުރުމަށް ޓަކައި ބޭނުންކުރަންޖެހޭ ވަޞީލަތްތައް ތަރައްޤީކޮށް އެކަންކަމަށް ހެޔޮ ބަދަލުތައް ގެނައުމުގެ މުހިންމުކަމާ މެދު ވެސް ޝައިޚް ނިޝާން ވާހަކަފުޅު ދެއްކެވިއެވެ.

އޭގެ ފަހުން ވަނީ އެ ޖަމްޢިއްޔާގެ މީސްމީޑިއާގެ މަންސަތައް އިފްތިތާޙު ކޮށްފަ އެވެ.