"ހުޝިޔާރު" ނަމުގައި ކާރިސާތަކަށް ތައްޔާރުވުމާއި ރިސްކް ކޮމިއުނިކޭޝަނަށް ހާއްސަ ވެބްސައިޓެއް ތަޢާރަފު ކޮށްފި އެވެ. 

މިއީ ނެޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އާއި ޔުނައިޓެޑް ނޭޝަންސް ޑިވެލޮޕްމަންޓް ޕްރޮގްރާމް (ޔޫއެންޑީޕީ) އާއި ގުޅިގެން ތައާރަފުކުރި ވެބްސައިޓެކެވެ. ހުޝިޔާރު ކެމްޕެއިންގެ އެންމެ މުހިންމު އެއް މަގްސަދަކީ ކާރިސާތަކާ ގުޅޭގޮތުން މުޖުތަމަޢުގެ ހޭލުންތެރިކަން އިތުރުކުރުން ކަމަށް އެންޑީއެމްއޭ އިން ބުންޏެވެ.

"ހުޝިޔާރު" ނަމުގައި ކާރިސާތަކާ ގުޅުންހުރި މަޢުލޫމާތު ފޯރުކޮށްދޭން ވެބްސައިޓެއް ތައާރަފުކުރުން --

މި ވެބްސައިޓަކީ މުޖުތަމައުއަށް މައުލޫމާތު ފޯރުކޮށްދޭ، ރައްކާތެރިކަން ކަށަވަރުކުރުމަށް އެހީތެރިވެދޭ، ގިނަ ބަސްތަކަކުން އިންޒާރުގެ މެސެޖް ފޯރުކޮށްދޭ އަދި ޢަމަލީ ގޮތުން އަޅާނެ ފިޔަވަޅު ތަކުގެ މައުލޫމާތު ފޯރުކޮށްދޭ ޑިޖިޓަލް  ޕްލެޓްފޯމެއް ކަމަށާ މި ޕްލެޓްފޯމުން އަރައްކާތަކާއި ގުޅޭ އިރުޝާދުތަކާއި، ހޭލުންތެރިކަން އިތުރުކުރުމުގެ ވީޑިއޯތަކާއި، ޑައުންލޯޑްކުރެވޭ ޕޯސްޓަރުތަކާއި، ތައުލީމީ ދާއިރާއަށްބޭނުންވާ ފަންނީ މަޢުލޫމާތު ލިބެން ހުންނާނެ ކަމަށް ވެސް ވަނީ ބުނެފަ އެވެ.

އަދި މި ޕްލެޓްފޯމް ފަސް ބަހަކުން ބޭނުންކުރެވޭނެ ކަމަށާ މި ޕްލެޓްފޯމް ފަރުމާކުރެވިފައިވަނީ ހާއްސަ އެހީއަށް ބޭނުންވާ ފަރާތްތަކަށް ވެސް ފަސޭހައިން ބޭނުންކުރެވޭ ގޮތަށް ވަނީ ބުނެފަ އެވެ.

"ހުޝިޔާރު" ނަމުގައި ކާރިސާތަކާ ގުޅުންހުރި މަޢުލޫމާތު ފޯރުކޮށްދޭން ވެބްސައިޓެއް ތައާރަފުކުރުން --

"ހުޝިޔާރު" ވެބަސައިޓް ތައާރަފުކޮށްފައި ވަނީ މިއަދު ފާހަގަކުރާ ބައިނަލްއަގްވާމީ ކާރިސީ ހިރާސް ކުޑަކުރުމުގެ ދުވަހާއި ގުޅިގެން އެންޑީއެމްއޭ އިން އިސްނަގައިގެން ބޭއްވި "ވިލުންތެރި ފެސްޓު" ގަ އެވެ. ކުޑަކުދިންނާއި މުޅި މުޖްތަމައުއަށް އަމާޒުކޮށްގެން ބޭއްވި މި ހަރަކާތުގައި ދިވެހިރާއްޖޭގެ ކާރިސީ ކަންކަމުގައި އިސްކޮށް ހަރަކާތްތެރިވާ ފަރާތްތަކާއި އަދި މިނޫންވެސް ސަރުކާރުގެ އެހެނިހެން އިދާރާތަކާއި، އަމިއްލަ ވިޔަފާރިތަކާއި އަދި މަދަނީ ޖަމިއްޔާތައް ހިމެނޭ ގޮތަށް، 20 ފަރާތަކުން ވަނީ ދިވެހިރާއްޖެ ވިލުންތެރި ކުރުމަށް ކުރަމުންދާ މަސައްކަތްތައް ދައްކުވައިދީފަ އެވެ.

"ހުޝިޔާރު" ނަމުގައި ކާރިސާތަކާ ގުޅުންހުރި މަޢުލޫމާތު ފޯރުކޮށްދޭން ވެބްސައިޓެއް ތައާރަފުކުރުން --

ދިވެހިރާއްޖޭގެ ކާރިސާ ހިރާސް ކުޑަކުރުމުގެ އިސްތިރާޖު 2024-2030 ގައިބަޔާންކޮށްފައިވާ "އިޖާބަދިނުމަށް މުޖުތަމަޢު ބާރުވެރިކުރުވުން" މި މުހިންމު އަމާޒަށް ވާސިލް ވުމަށްޓަކައި ކާރިސާތަކަށް ތައްޔާރުވުމާއި، ކާރިސާތަކުން ލިބޭ ގެއްލުން ކުޑަކުރުމަށް އަޅަންޖެހޭ ފިޔަވަޅުތަކާއި ބެހޭ މަޢުލޫމާތު ފޯރުކޮށްދެވޭ ހާއްސަ ވެބްސައިޓެއް މިއަދު ޤާއިމްކުރެވިގެން ދިއުމަކީ ފާހަގަކޮށްލެވޭ ކާމިޔާބީއެއް ކަމަށް އެންޑީއެމްއޭ އިން ބުންޏެވެ.