ރާއްޖޭގެ އެންމެ ފުރަތަމަ ސުޕަ އެޕް، އީޒެޕުން އެ އެޕްލިކޭޝަން ބޭނުންކުރާ ޑްރައިވަރުންނާއި ކަސްޓަމަރުންނަށް ހުޅުވާލީ އުމްރާ ދަތުރުލިބޭ ޕްރޮމޯޝަން މި އަހަރުގެ ނިޔަލަށް ދަންމާލައިފިއެވެ.
މިދިޔަ ޖޫންމަހުން ފެށިގެން އީޒެޕްގެ ކާރު/ޕިކަޕު އަދި ސައިކަލް ޑްރައިވަރުންނަށް އަދި ކަސްޓަަމަރުންނަށް ހުޅުވާލި މި ޕްރޮމޯޝަނުގެ މުއްދަތު ހަމަވާން އޮތީ މި ހިނގާ އޮކްޓޯބަރު މަހުގެ ނިޔަލަށެވެ. އީޒެޕުން ފެށި މި ޕްރޮމޯޝަނުގެ ދަށުން ނަސީބުވެރި ފަރާތްތައް އުމްރާގެ އަޅުކަން އަދާކުރުމަށް ދަތުރުކުރާނީ ޤިބްލަ ގްރޫޕާއެކުގައެވެ.
އެގޮތުން މި އަހަރުގެ ނިޔަލަށް ނަގާ ކޮންމެ ދަތުރަކުންވެސް އުމްރާ ދަތުރެއް ހޯދުމުގެ ފުރުސަތު ވަނީ ހުޅުވައިލެވިފައެވެ.
އީޒެޕް އާއި ޤިބްލަ ހައްޖު ގްރޫޕާއެކު އެއްބަސްވުމުގައި ސޮއިކުރުމުގެ ތެރެއިން.. ފޮޓޯ: އީޒެޕް
އީޒެޕުން ބުނި ގޮތުގައި މި ޕްރޮމޯޝަނުގެ މުއްދަތު އިތުރުކޮށްފައިވަނީ އިތުރު ޑްރައިވަރުންނަށާއި ކަސްޓަމަރުންނަށް ފުރުސަތު ފަހިކޮށްދިނުމުގެ ގޮތުންނެވެ.
އުމްރާ ދަތުރުގެ ކެޓެގެރީ ތައް
- ކަސްޓަމަރ ކެޓެގެރީ
- ސައިކަލު ކެޓެގަރީ
- ކާރު/ޕިކަޕް ކެޓެގަރީ
އީޒެޕުން ބުނި ގޮތުގައި، މި ޕްރޮމޯޝަންގައި ޓެކްސީ ކޮށްދިނުމުގެ އިތުރުން އީޒެޕްގައި ހިމެނޭ ފިހާރަތަކުންނާއި ރެސްޓޯރަންޓްތަކުން ޑެލިވަރ ކޮށްދޭ ޕަބްލިކް ޑްރައިވަރުންނަށްވެސް ސައިކަލު ކެޓެގެރީން ބައިވެރި ވެވޭނެއެވެ.
މި ޕްރޮމޯޝަން ފަރުމާ ކުރެވިފައިވަނީ، ގިނައިން ދަތުރު ނަގާ ނުވަތަ ޑެލިވަރީ ކުރާ ޑްރައިވަރުންނާއި، އަދި ދަތުރު ކުރާ ކަސްޓަމަރުންނަށް، އުމްރާ ދަތުރު ލިބުމުގެ ފުރުސަތު އިތުރުވާނެ ދާނެގޮތަށެވެ.
ކާރާއި ޕިކަޕް އަދި ސައިކަލް މެދުވެރިކޮށް ދަތުރުކުރާ ކަސްޓަމަރުންނަށްވެސް އުމްރާ ދަތުރެއް ހޯދުމުގެ ފުރުސަތު ލިބޭއިރު، އުމްރާ ދަތުރު ލިބޭ ކަސްޓަމަރެއް ކަނޑައަޅާނީ ކާރާއި ޕިކަޕް އަދި ސައިކަލްގައި އެ މުއްދަތުގެ ތެރޭގައި ދަތުރުކުރި ފަރާތްތަކުގެ ދަތުރުތައް އެއްކޮށްލުމަށްފަހު ނެގޭ ގުރުއަތަކުން ކަމަށް އީޒެޕުން ބުނެއެވެ.
މިހާރު ވެސް ޑްރައިވަރުންނަށް ހިލޭ މި އެޕުން ދަތުރުކުރެވޭއިރު، އެޕްލިކޭޝަން އެޕްރޫވް ކުރުމުގައި ދަތިތައް ދިމާވާ ޑްރައިވަރުން 7560606އިން ވަޓްސްއެޕްކޮށް، ޒެޕާމޭންގެ އެހީތެރިކަން ހޯދަން އެ އެޕުން ވަނީ އެދިފައެވެ.
އީޒެޕަކީ ރާއްޖޭގެ އެންމެ ޒަމާނީ އެއް އެޕަށްވާއިރު، މި އެޕުގައި ބީއެމްއެލްގެ ޕޭމަންޓް ގޭޓްވޭ ވަނީ އިންޓެގްރޭޓްކޮށްފައެވެ. އޭގެ ސަބަބުން ކާޑު ސޭވްކޮށް، ވަން ޓެޕް ޕޭމެންޓްސް ހެދޭނެ ކަމަށް އީޒެޕުން މައުލޫމާތުދެއެވެ.
Advertisement
This content is created and paid for by advertisers and does not involve Voice Journalists
