ޕީއެންއެފް އިންތިހާބު: ރައީސް ކަމަށް ޔާމީން، 20 މަގާމަށް 55 ބޭފުޅެއްް
ޕީޕަލްސް ނެޝަނަލް ފްރަންޓް -- ޕީއެންއެފްގެ ރައީސްގެ މަގާމަށް އެ ޕާޓީގެ ފައުންޑާ, ކުރީގެ ރައީސް އަބްދުﷲ ޔާމީން ކުރިމަތިލައްވައިފި އެވެ.
އެންމެ ފަހުން އުފެދުނު ޕީއެންއެފްގެ އެތެރޭގެ އިންތިހާބަށް އޮތީ ހުޅުވާލާފަ އެެވެ. މަގާމުތަކަށް ކުރިމަތިލުމުގެ ފުރުސަތު މިއަދު އިރޮއޮއްސި ހަޔަކަށް ވަނީ ހަމަވެފަ އެވެ.
އެ ޕާޓީން ބުނީ ޕާޓީގެ ރައީސްގެ މަގާމަށް ކުރިމަތިލެއްވީ ރައީސް ޔާމީން އެކަނި ކަމަށެވެ. އިތުރު 20 މަގާމަށް ވެސް ހުޅުވާލާފައި އޮތެވެ. އެ މަގާމުތަކަށް 55 ބޭފުޅަކު ވަނީ ކުރިމަތިލައްވާފަ އެވެ.
މިއީ އެ ޕާޓީގެ މެންބަރުންގެ މެދުގައި އޮތް ވަރުގަދަ ރޫހް ހާމަވެގެންދާ ކަމެއް ކަމަށް ބުނެފައިވެ އެވެ. ސަރުކާރު ހިންގާ ޕީއެންސީއާ ކެވެލި ޖެހިގެން ކުރީން އޮތް ޕީޕީއެމްގެ ލީޑަރުކަން ކުރެއްވި ކުރީގެ ރައީސް ޔާމީން, ޕީއެންއެފް އުފެއްދެވީ އެމަނިކުފާނާއި ސަރުކާރުގެ ގުޅުން ގޯސްވުމުން ޕީޕީއެމުން ވަކިވެވަޑައިގަތުމަށް ފަހު އެވެ.
ރައީސް މުޢިއްޒުގެ ވިސްނުންފުޅަކަށް ވެވަޑައިގަތީ ޕީޕީއެމް ބޮޑުކުރުމުގެ ބަދަލުގައި އެމަނިކުފާނު ރައީސްކަން ކުރައްވާ ޕީއެންސީ ބޮޑު ކުރެއްވުމެވެ. ނަތީޖާއެއްގެ ގޮތުން ޕީޕީއެމްގެ ލީޑާޝިޕާއި އާންމު މެންބަރުން ވަނީ ޕީއެންސީއަށް ބަދަލުވެފަ އެވެ. ފަހުން ޕީޕީއެމް އުވާލީ އެވެ.
Advertisement
This content is created and paid for by advertisers and does not involve Voice Journalists
