ޅ.ހިންނަވަރުގައި ފެނަކައިން ގާއިމްކުރި އެކުންފުނީގެ އޮފީސް އިމާރާތް، ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިއަދު ހުޅުވައިދެއްވައިފިއެވެ.
ފެނަކަ އޮފީސް އިމާރާތް ހުޅުވައިދެއްވީ ޅ އަތޮޅުގެ ރަށްތަކަށް ކުރައްވަމުންގެންދަވާ ޒިޔާރަތުގައި މިއަދު ހިންނަވަރަށް ކުރެއްވި ޒިޔާރަތުގައެވެ. މިކަމަށްޓަކައި ބޭއްވި ރަސްމިއްޔާތުގައި ފެނަކަ ކުންފުނީގެ މެނޭޖިންގ ޑިރެކްޓަރު މޭޖަރ ރިޓަޔަޑް މުހައްމަދު ނަޖާހު ބައިވެރިވެ ވަޑައިގެންނެވިއެވެ.
ރައީސް ފެނަކަ އޮފީސް ބައްލަވާލައްވަނީ..
ފެނަކައިން ބުނީ މި އޮފީހަކީ ފެނާއި ކަރަންޓާއި، ނަރުދަމާ ހިދުމަތުގެ އިދާރީ އެންމެހާ ކަންކަން ކުރެވޭނެހެން ޒަމާނީ ފެންވަރަށް ތައްޔާރުކޮށްފައިވާ އޮފީހެކެވެ. ފެނަކަ އޮފީސް އިމާރާތް ހަދާފައިވަނީ އިންޓަލޮކް ކުންފުންޏާ ހަވާލުކޮށް 2023 ވަނަ އަހަރުގެ ސެޕްޓެމްބަރުމަހުގެ ތެރޭގައެވެ. އަމަލީގޮތުން މި މަސައްކަތް ނިންމާފައިވަނީ މިއަހަރުގެ އޮގަސްޓްމަހުގެ 28 ވަނަ ދުވަހުއެވެ.
ފެނަކައިން ބުނީ އަލަށް ހުޅުވި އޮފީހާއެކު ފެނަކައިންދޭ ހިދުމަތްތައް ހަރުދަނާވެގެންދާނެ ކަމަށެވެ.
Advertisement
This content is created and paid for by advertisers and does not involve Voice Journalists
