އިމިގްރޭޝަނުގެ ވަޒީފާއަށް އެދީ 500 އަށް ވުރެ ގިނަ މީހުން އިންޓަވިއުކުރި
އިމިގްރޭޝަނަސް 70 އޮފިސަރުން ހޯދަން އިއްޔެ ބޭއްވި ވޯކްއިން އިންޓަވިއުއަށް 500 އަށް ވުރެ ގިނަ މީހުން ބައިވެރިވެފައިވާ ކަމަށް އެ އޮފީހުން ބުނެފިއެވެ.
މި ވޯކްއިން އިންޓަވިއު ކުރިޔަށް ގެންދަޔައީ ހުޅުމާލެ ފޭސް-2 ސަލާހުއްދީން ސްކޫލުގެ ހޯލުގައެވެ. މި އިންޓަވިއަށް ލިބުނީ ވަރަށް ރަނގަޅު ތަރުހީބެއް ކަމަށް އިމިގްރޭޝަނުން މައުލޫމާތުދެއެވެ.
އުމުރުން 30 އަހަރުން ދަށުގެ ޒުވާނުންނަށް ހުޅުވާލި މި އިންޓަވިއު ކުރިޔަށް ގެންގޮސްފައިވަނީ އިއްޔެ ހެނދުނުން ފެށިގެން ހަވީރު 04:30 އާއި ހަމައަށެވެ.
އެ އިންޓަވިއު އިން ފާސްވި ފަރާތްތައް ޝޯޓް ލިސްޓު ކުރެވި އިއުލާނުކުރުމުން، އެ ފަރާތްތަކުން އަދި އިތުރު ދެ އިމްތިހާނު ފުރިހަމަ ކުރަންޖެހޭ ކަމަށްވެސް އިމިގްރޭޝަނުން ވަނީ މައުލޫމާތު ދީފައެވެ.
މީގެ ކުރިން ވެސް އިމިގްރޭޝަނުން އެފަދަ ވޯކްއިން އިންޓަވިއު އެއް ވަނީ ކުރިޔަށް ގެންގޮސްފައެވެ. އެފަހަރު 50 އޮފިސަރުން ހޯދަން ބޭއްވި އިންޓަވިއުގައި 876 މީހަކު ބައިވެރިވެ، 700 އަށް ވުރެ ގިނަ މީހެއްގެ ޝަރުތު ހަމަވިއެވެ.
Advertisement
This content is created and paid for by advertisers and does not involve Voice Journalists
