މާލެ އެމްޕީއެލްއާ ދިމާލު ބޭރުން ކޮޅުވެއްޓިއެއް ބަންޑުން ޖަހާލައިގެން އެމްއެންޑީއެފް ކޯސްޓުގާޑުން ހަރަކާތްތެރިވާން ފަށައިފިއެވެ.

މިކަމާ ގުޅޭގޮތުން އެމްއެންޑިއެފުން ބުނީ، އެމްޕީއެލް ބަނދަރު ސަރަހައްދާ ކައިރިން ލޭންޑިން ކްރާފްޓެއް ބަންޑުން ޖަހާލައިގެން އުޅޭ ކަމުގެ މަޢުލޫމާތު ލިބިގެން އެމްއެންޑީއެފް މާލޭ އޭރިއާ ކޮމާންޑް، ކޯސްޓްގާޑު ސެކަންޑް ސްކޮޑްރަންއިން ހަރަކާތްތެރިވާން ފަށާފައިވާކަމަށެވެ.

ކޮޅުވެއްޓި ބަންޑުން ޖަހާލާފައި.. ފޮޓޯ: މެރިން ޕޮލިސް

ފުލުހުން ބުނީ މި ހާދިސާގެ މައުލޫމާތު އެފަރާތަށް ލިބިފައިވަނީ 15:44 ގައި ކަމަށެވެ. މި ހާދިސާގައި އަނިޔާވި 3 މީހަކަށް އައިޖީއެމްއެޗްގައި ދަނީ ފަރުވާދެމުންނެވެ.

ފުލުހުންގެ މެރިން ޔުނިޓު އޮފިސަރުންވެސް އެ ސަރަހައްދުގައި ހަރަކާތްތެރުވަމުން ދާކަމަށް ފުލުހުން ވަނީ ބުނެފައެވެ.

ކޮޅުވެއްޓި ބަންޑުން ޖަހާލާފައި.. ފޮޓޯ: މެރިން ޕޮލިސް

ކޮޅުވެއްޓި ބަންޑުން ޖަހާލީ ސީދާ ކީއްވެގެންކަމެއް އަދި ސާފެއް ނުވެއެވެ. މީގެ ކުރިން ކޮޅުވެއްޓި ބަންޑުން ޖަހާލުމުގެ ހާދިސާތަކުގައި އިއާދަނުކުރެވޭ ވަރުގެ ގެއްލުންތައް ލިބިފައި އެބަހުއްޓެވެ. އެގޮތުން މިދިޔަ މޫސުމީ ވިއްސާރާގައި ކޮޅުވެއްޓިއެއް ބަންޑުން ޖަހާލައި ދިވެއްސަކާއި ދެ ބިދޭސީއެއްގެ ފުރާނަ ގެއްލުނުކަން ފާހަގަކޮށްލެވެއެވެ.