ކޮޅުވެއްޓި ބަންޑުންޖަހާލި ހާދިސާގައި އެމްޕީއެލްގެ އެތެރޭގެ ތަހުގީގެއް ފަށައިފި
އެމްޕީއެލް މާލެ ސަރަހައްދުގައި އިއްޔެ ކޮޅުވެއްޓިއެއް ބަންޑުން ޖަހާލައި ހިނގި ހިތާމަވެރި ހާދިސާގައި އެމްޕީއެލް އެތެރޭގެ ތަހްގީގެއް ފަށައިފިއެވެ.
ކޮޅުވެއްޓި ބަންޑުން ޖަހާލައި ހިނގި ހިތާމަވެރި އެ ހާދިސާގައި އެމްޕީއެލްގެ ދެ މުއައްޒަފަކު ވަނީ ނިޔާވެފައެވެ. އޭގެ ތެރޭގައި ހިމެނެނީ ދިވެއްސަކާއި ބިދޭސީއެކެވެ. އެ ހާދިސާގައި ބިދޭސީ މީހާ އިއްޔެ ނިޔާވިކަން ރިޕޯޓްކޮށްފައިވާއިރު، ދިވެހި މުއައްޒަފު ނިޔާވެފައިވަނީ އޭނާއަށް ލިބުނު ބޮޑެތި އަނިޔާތަކަށް ފަރުވާދެމުން ދަނިކޮށް އައިޖީއެމްއެޗްގައެވެ.
އިއްޔެގެ އެ ހާދިސާއާ ގުޅޭގޮތުން އެމްޕީއެލުން ބުނީ އެ ކުންފުނީގެ ކަމާ ބެހޭ ޑިޕާތްމަންޓުން އެތެރޭގެ ތަހުގީގެއް ފަށައިގެން ކުރިއަށްދާކަމަށާއި، ތަހްގީގަށް ލިބޭ މައުލޫމާތުގެ މައްޗަށް ބިނާކޮށް މައުލޫމާތުތައް ހިއްސާކުރަމުންދާނޭކަމަށެވެ.
ކޮޅުވެއްޓި ބަންޑުންޖަހާލި ޙާދިސާ ހިނގިއިރު މުޅި ޖުމްލަ 14 މީހުން އެ ކޮޅުވެއްޓީގައި ތިއްބެވެ. އޭގެ ތެރެއިން ހަ މީހަކަށް އައިޖީއެމްއެޗަށް ފަރުވާދިނުމަށް ވަނީ ގެންގޮސްފައެވެ.
Advertisement
This content is created and paid for by advertisers and does not involve Voice Journalists
