އައްޑޫ ސިޓީ ހިތަދޫ މިސްކިތަކަށް ބަޔަކު ގެއްލުންދީފި, މައްސަލަ ބަލަނީ
އައްޑޫ ސިޓީ ހިތަދޫ މިސްކިތަކަށް ބަޔަކު ގެއްލުންދީފި އެވެ.
ގެއްލުން ދީފައިވަނީ ހިތަދޫ މަސްޖިދު- އުމަރު އަލް ފާރޫގް މިސްކިތަށެވެ. އެ މިސްކިތުގެ އެތެރެއާ ބޭރުގެ އެކި ތަންތަނަށް ވަނީ ގެއްލުން ދީފަ އެވެ. މިސްކިތުގެ ތެރޭގައި ހުރި ގޮނޑިތައް އުކާލާ ބައެއް މުސްހަފްތައް ވެސް ހުރީ އުކާލާފަ އެވެ.
އަދި މިސްކިތުގައި ހުރި ބެނާތަކަށް ގެއްލުންދީ ފެންފުޅިތަކާއި އެ ނޫންވެސް ބައެއް ތަކެތި ހުރީ އުކާލާފަ އެވެ. މިސްކިތުން ކަަރަންޓް ކަނޑާލާ ކަރަންޓް ބޯޑަށް ވެސް ވަނީ ގެއްލުން ދީފަ އެވެ.
އެކަމާއި ގުޅޭގޮތުން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިރޭ ވިދާޅުވީ އައްޑޫ ސިޓީގެ މިސްކިތަކަށް ގެއްލުން ދިން މައްސަލަ މިނިސްޓްރީގެ ސަމާލުކަމަށް ވަނީ އައިސްފައި ކަމަށެވެ. އަދި ވިދާޅުވީ މި މައްސަލަ ބަލައި ތަހުގީގުކޮށް، ގާނޫނީ ގޮތުން ފިޔަވަޅު އެޅުމަށް ކަމާބެހޭ އިދާރާތަކާ ގުޅިގެން މިނިސްޓްރީން މަސައްކަތް ފަށާފައިވާ ކަމަށެވެ.
މި ފަހަކަށް އައިސް މިސްކިތްތަކަށް ގެއްލުން ދިނުން އަނެއްކާވެސް ވަނީ އިތުރުވެފަ އެވެ. ދާދި ފަހުން މާލޭގެ ފުރުގާން މިސްކިތަށް ވެސް ބަޔަކު ވަނީ ގެއްލުން ދީފަ އެވެ.
Advertisement
This content is created and paid for by advertisers and does not involve Voice Journalists
