ހުޅުމާލޭ ފަޅުގައި އޮތް ތެއޮ ބޯޓެއްގައި ރޯވެ އަނދަނީ
ހުޅުމާލޭ ފަޅުގައި އޮތް ތެއޮ ބޯޓެއްގައި ރޯވެއްޖެއެވެ.
ފޮޓޯތަކުން ފެންނަ ގޮތުގައި އެ ބޯޓުގައި ވަރަށް ބޮޑަށް ވަނީ ރޯވެފައެވެ. ބޯޓުގައި ރޯވި އަލިފާންގަނޑު ނިއްވުމުގެ މަސައްކަތް އެމްއެންޑީއެފްގެ ފަޔާ ޓީމުން ދަނީ ކުރަމުންނެވެ.
ތެއޮ ބޯޓުގައި ރޯވިއިރު ކައިރީގައި ސަފާރީ ބޯޓުފަހަރާއި މަސްދޯނިތައް ހުއްޓެވެ. އަލިފާން ހިފުމާއެކު ކައިރީ ހުރި އުޅަނދުތައް ވަނީ ދުރައްޖެއްސުމުގެ މަސައްކަތް ފަށާފައެވެ.
ތެއޮ ބޯޓުގައި ރޯވެފައި..ފޮޓޯ: ސޯޝަލް މީޑިއާ
ބޯޓުގައި ރޯވި އަލިފާންގަނޑު އެމްއެންޑީއެފުގެ ޓީމުން ނިއްވުމުގެ މަސައްކަތް ކުރަނީ..
ފުލުހުންވެސް ވަނީ ހުޅުމާލެ ފަޅުތެރޭގައި އޮތް އުޅަނދެއްގައި އަލިފާނުގެ ހާދިސާއެއް ހިނގައިގެން އުޅޭކަމުގެ މައުލޫމާތު މީޑިއާތަކާ ހިއްސާކޮށްފައެވެ. ނަމަވެސް އިތުރު އެއްވެސް މައުލޫމާތެއްހިއްސާކޮށްފައެއް ނުވެއެވެ.
Advertisement
This content is created and paid for by advertisers and does not involve Voice Journalists
