މިއަހަރުގެ މަސްވެރިންގެ ދުވަހުގެ މުނާޞަބަތުގައި މަސްވެރިކަމާ ބެހޭ ވުޒާރާއިން ބާއްވާ ފަރުމަސްވެރިކަމުގެ މުބާރާތުގައި ބައިވެރިވުމުގެ ފުރުޞަތު ހުޅުވާައިފިއެވެ.
މި މުބާރާތަކީ މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް އިން ދިވެހިރާއްޖޭގެ 45 ވަނަ މަސްވެރިންގެ ދުވަސް ފާހަގަ ކުރުމުގެ ގޮތުން ކުރިއަށްގެންދާ ހަރަކާތުގެ ތެރޭގައި ހިމެނޭ ބައެއްކަމަށް މިނިސްޓްރީން ބުންޏެވެ.
މަސްވެރިކަމާ ބެހޭ ވުޒާރާއިން ބުނީ މި މުބާރާތް ބޭއްވުމަށް ހަމަޖެހިފައިވަނީ އަންނަ ޑިސެމްބަރުމަހުގެ 12 ވާ ހުކުރު ދުވަހު ރ. ދުވާފަރުގައިކަމަށެވެ. މި މުބާރާތް ހާއްސަކޮށްފައިވަނީ ރ.އަތޮޅުގެ ރަށްތަކަށެވެ. މުބާރާތުގައި ބައިވެރިވުމުގެ ސުންގަޑިއަކީ މިހިނގާ ނޮވެމްބަރުމަހުގެ 20 ވަނަ ދުވަހެވެ.
ކަނޑައެޅިފައިވާ އިނާމްތައް:
- 1 ވަނައަށް ހޮވޭ ފަރާތަކަށް: 15،000 ރުފިޔާ
- 2 ވަނައަށް ހޮވޭ ފަރާތަކަށް 10،000 ރުފިޔާ
- 3 ވަނައަށް ހޮވޭ ފަރާތަކަށް 7000 ރުފިޔާ
މަސްވެރިންގެ ދުވަހަކީ ކޮންމެ އަހަރެއްގެވެސް ޑިސެމްބަރު މަހުގެ 10 ވަނަ ދުވަހު ދިވެހިރާއްޖޭގައި ފާހަގަކުރާ ދުވަހެކެވެ. މި ދުވަސް ފާހަގަ ކުރުމުގެ މައިގަނޑު މަޤްޞަދަކީ ދިވެހިރާއްޖޭގެ އިޤްތިޞާދާއި ދިރިއުޅުމުގެ ނިޒާމަށް މަސްވެރިން ކޮށްދޭ އަގުހުރި ޚިދުމަތްތަކަށް އަގުވަޒަންކުރުމާއި، އެ ދާއިރާ އިތުރަށް ކުރިއެރުވުމަށް ބާރުއެޅުމެވެ.
Advertisement
This content is created and paid for by advertisers and does not involve Voice Journalists
