ދިވެހީންގެ މެދުގައި މިހާރު އެންމެ މަގުބޫލް ޖަމިއްޔާ "މަންފާ" އިން މިރޭ ވަރަށް ޚާއްސަ ދަރުހެއް ބާއްވަން ނިންމައިފި އެވެ.
މިރޭ 9:00 ގައި މި ދަރުސް އޮންނާނީ އާޓިފިޝަލް ބީޗް ގަ އެވެ. ދަރުސް ދެއްވާނީ ދިވެހީންގެ މެދުގައި އެންމެ މަގުބޫލް ދީނީ އިލްމުވެރިޔާ ޑރ. އާދަމް ޝަމީމް އެވެ.
ދަރުސްގެ މައުލޫ އަކީ "ފިތުނަ" އެވެ.
މަަންފާ ޖަމިއްޔާގެ ރައީސް އަލްއަޚް އަލީ ރަމީޒު ވިދާޅުވި ގޮތުގައި އެ ޖަމިއްޔާގެ ދެވަނަ ބޮޑު ދަރުހަަށް މިހާރު ވަނީ ފުރިހަމައަށް ތައްޔާރުވެފަ އެވެ. ދަރުސް އަޑުއެހުމަށް ވީހާވެސް ގިނަ ބަޔަކު ހާޒިރުވުމަށް ވެސް އެދިފައިވެ އެވެ.
ތަފާތު އެކި ހަރަކާތްތަކާއެކު ކުރިއަށް ގެންދާ މިރޭގެ މި ދަރުސްގައި ރާއްޖޭގެ ބައެއް އިލްމުވެރީން ވެސް ބައިވެރިވާނެ އެވެ.
މާލެ ސިޓީ ކައުންްސިލާއި ބައެއް ޖަމިއްޔާ ޖަމާއަތްތައް ގުޅިގެން މަންފާ އިން މި ދަރުސް އިންތިޒާރު ކުރާއިރު އެކި ގޮތްގޮތުން އެހީތެރިވެދިން ހުރިހާ ފަރާތްތަކަށް އަލީ ވަނީ ޝުކުރު އަދާކޮށްފަ އެވެ.
މިރޭގެ ދަރުސް އެސްއެސްޓީވީން ވަގުތުން ދައްކާނެ އެވެ.
Advertisement
This content is created and paid for by advertisers and does not involve Voice Journalists
