ޒެމްބިއާ އިންޓަނޭޝަނަލް މުބާރާތުގެ ދެ އިވެންޓެއްގެ ފައިނަލުން ރިވައިވަލް ސްޕޯޓްސް ކްލަބް ޖާގަ ހޯދައިފިއެވެ.
މިޖާގަ ހޯދައިފައި ވަނީ ކްލަބުގައި ހިމެނޭ ގައުމީ ބެޑްމިންޓަން ޓީމުގެ އައިމިނަތު ނަބީހާ (ނަބީ) އާއި ފާތިމަތު ނަބާހާ (ނަބާ) އަދި ޒަޔާން ޒަކީއެވެ.
ނަބީ އާއި ނަބާގެ ޕެއާ އިން ވަނީ އަންހެން ޑަބަލްސް ފައިނަލުން ޖާގަ ޔަގީންކޮށްފަ އެވެ. އަދި ޒަޔާން އާއި ނަބާގެ ޕެއާ މިކްސް ޑަބަލްސް ފައިނަލުން ވަނީ ޖާގަ ޔަގީންކޮށްފައެވެ.
ނަބާ އާއި ނަބީ އަދި ޒަޔާންގެ އިތުރުން، ދެން ރިވައިވަލް އިން ޒެމްބިއާ މުބާރާތް ހިމެނޭ ގޮތަށް އެފްރިކާގެ ތިން މުބާރާތެއްގައި ކުޅޭ ސްކޮޑުގައި ހިމެނެނީ، ނިބާލް އަހުމަދު، ހައިޝަމް އިބްރާހިމް އަލީ، ހަސަން ޒަޔާން އެވެ.
ބީޑަބްލިއުއެފް އިން ބައިނަލްއަގުވާމީ މުބާރާތްތަކުގައި ރާއްޖޭގެ ކުޅުންތެރިންނަށް ކުޅެވޭ ގޮތަށް މިދިޔަ ސެޕްޓެމްބަރު މަހު، ސަސްޕެންޝަނަށް ލުއިތަކެއްް ދިނުމުން މިއީ، ބްރޭކަކަށް ފަހު ރާއްޖޭގެ ކުޅުންތެރިން ބީޑަބްލިއުއެފްގެ މުބާރާތްތަކުގައި ވާދަކުރާ ފުރަތަަމަ ފަހަރެވެ.
ފައިނަލުގައި ނަބާ އާއި ޒަޔާން މިއަދު ކުޅޭނީ މިސްރުގެ އިއްޒަތު ކަރީމް އާއި ނޫރު އަހުމަދުގެ ޕެއާއާ އެވެ.
މިއީ، ބީޑަބްލިއުއެފް މުބާރާތްތަކުގައި ޒަޔާން އާއި ނަބާގެ ޕެއާ އިން ކުޅޭ ތިން ވަނަ ފައިނަލެވެ. މީގެ ކުރިން، ޕާކިސްތާނުގައި 2019 ވަނަ އަހަރު، ބޮޓްސްވާނާގައި މިދިޔަ އަހަރު އަދި ޒެމްބިއާގައި މި އަހަރު މި ވަނީ ފައިނަލަށް ދަތުުރުކޮށްފަ އެވެ.
އަންހެން ޑަބަލްސްގެ ކުއާޓާ ފައިނަލުގައި ނަބީ އާއި ނަބާ ވަނީ ޒެމްބިއާގެ އެލިޒަބަތު ޗިޕެލްމޭ އާއި އެންގާންޑްވޭ މިޔަމްބޯ އަތުން މޮޅުވެފަ އެވެ. ފައިނަލުގެ ޖާގަ ލިބުނީ ސެމީ ފައިނަލުގައި ނަބީ އާއި ނަބާގެ ޕެއާއާ ކުޅެން އޮތް ޓީމުން ވަކިވުމުންނެވެ.
Advertisement
This content is created and paid for by advertisers and does not involve Voice Journalists
