ވޭތުވެދިޔަ ހަފްތާއެއްގެ ތެރޭގައި ސޯޝަލް މީޑިއާގައި އެންމެން އަތުކުރި އޮޅާލާ ވީޑިއޯތަކެއް ވަނީ އާއްމުވެފައެވެ. ނަމަވެސް މި ވީޑިއޯތަކުގެ ސީދާ މަގްސަދަކީ ކޮބައިކަމެއް ސާފުވާގޮތެއް ނުވެއެވެ.
މި ވީޑިއޯތަކުން ފެންނަނީ އަންހެނުންނާއި ފިރިހެނުން ހިމެނޭގޮތައް އެންމެންވެސް އަތުގެ މުލައްދަނޑިއާއި ހަމައަށް އަތުކުރި އޮޅާލާތަނެވެ. ދެން އިނގޭހާވެސް އެއްޗަކީ މިއީ ޤައުމީ ކެންޕެއިނެއްކަމެވެ.
މި ވީޑިއޯތަކުގައި މަޤްބޫލު ބައެއް ޝަހްސިއްޔަތުތަކާއި، ޔުނީފޯމްއެޅި ބައެއް އިދާރާތަކުގެ މުވައްޒަފުންވެސް ފެނނިގެންދެއެވެ. އޭގެތެރޭގައި ސިއްހަތާއި ބެހޭ ވަޒީރު އަބްދުﷲ ނާޒިމްއާއި، ޑރ. އަބްދުﷲ ނިޔާފްއާއި ޕީއެސްއެމްގެ ކުރީގެ މެނޭޖިންގ ޑިރެކްޓަރ ޒީނާ ޒާހިރުވެސް ހިމެނެއެވެ.
މި ކެމްޕެއިންގައި އިސްކޮށް ހަރަކާތްތެރިވާ ގައުމީ ޔުނިވާސިޓީގެ ދަރިވަރެއް ކަމުގައިވާ ޝަފްރާޒް އަހުމަދު ބުނީ މި ކެމްޕެއިނަކީ އެ ޔުނިވާސިޓީގައި "މީޑިއާ އެންޑް ޕަބްލިކް ރިލޭޝަން" ކިޔަވަމުންދާ ދަރިވަރުންތަކެއް އިސްވެ ހިންގާ ހަރަކާތެއް ކަމަށާއި ވަރަށް އަވަހަށް އެ ކެމްޕެއިންގެ މަގުސަދު ހާމަވެގެންދާނެ ކަމާށެވެ.
"މި ކެމްޕެއިންއާ ދެކޮޅުވާނެ އެކަކު ވެސް ނުހުންނާނެ. އެ ޔަގީންކަން އެބަ އޮތް. ކޮންމެ ފިކުރެއްގެ މީހަކު ވިޔަސް، މިކަމަށް އިޖާބަދޭނެ،"
ޝަފްރާޒު އަހުމަދު (ކެމްޕެއިންގައި އިސްކޮށް އުޅުއްވާ އެމްއެންޔޫ ދަރިވަރު)
ޝަފްރާޒް ބުނީ މި ކެންޕެއިންގެ މައުލޫމާތު ވަރަށް އަވަހަށް ރައްޔިތުންނަށް ފޯރުކޮށްދެވޭނެއެވެ. އެހެންކަމުން ދެން ޖެހޭނީ އެކަމަށް އިންތިޒާރުކުރާށެވެ.
Advertisement
This content is created and paid for by advertisers and does not involve Voice Journalists
