ޓެކްސް އެޕީލް ޓްރައިބިއުނަލްގެ ފަސް މެންބަރުންގެ މަގާމުގެ މުއްދަތު މިމަހުގެ ނިޔަލަށް ހަމަވާތީ، އެ މަގާމުތަކަށް ކުރިމަތިލެއްވި 14 ބޭފުޅުންގެ ނަންތައް ރައްޔިތުންގެ މަޖިލީހުގެ ރުހުން ހޯދުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު މަޖިލީހަށް ފޮނުއްވައިފި އެވެ. މި މަގާމުތަކުގެ މުއްދަތު ހަމަވާނީ މިމަހުގެ 29 ގައެވެ.

ރައީސް އޮފީހުން މި މަގާމުތަކަށް ކުރިމަތިލާން ހުޅުވާލުމުން ޖުމްލަ 14 ބޭފުޅަކު ކުރިމަތިލެއްވިއެވެ. ރައީސް ޑރ.މުއިއްޒު މަޖިލީހަށް ފޮނުއްވި ސިޓީގައި ޓެކްސް އެޕީލް ޓްރައިބިއުނަލްގެ ފަސް މަގާމަށް ކުރިމަތިލެއްވި ހުރިހާ ބޭފުޅުންގެ ނަންތައް ހިމަނުއްވާފައިވެ އެވެ. މަޖިލީހުގެ މިއަދުގެ ޖަލްސާގައި މި ސިޓީ އިއްވުމަށްފަހު، މި ލިސްޓް ދިރާސާކުރުމަށް ވަނީ މަޖިލީހުގެ ޖުޑިޝަރީ ކޮމިޓީއަށް ފޮނުއްވާފަ އެވެ.

1- އަހުމަދު ޔާމީން، ބީޗްކޯނާ، ގދ. ގައްދޫ

2- ޝިފްޒާ އަބްދުލްގައްޔޫމް، ގަސްދޮށުގެ ، ގއ. ނިލަންދޫ

3- އާއިޝަތު އިޝާ، ހުޅުމާލެ ފްލެޓް 88-2-02

4- އުސާމާ މޫސާ ، ޗަމަން. ށ.ކޮމަންޑޫ

5- ހަސަން ނާސިހު އަހުމަދު، މާވަހި، ސ. ހިތަދޫ

6- އަލް އުސްތާޒް އިބްރާހީމް އަފީފް، ގުލްބަހާރުގެ. ބ. ތުޅާދޫ

7- ހަސަން ޒުހައިރު މުހައްމަދު، ގ. މާވާރުލު

8- ޝައުފާ އިބްރާހީމް އަކިރިވިލާ. ދ.މީދޫ

9- މުހައްމަދު ވަހީދު އަލީ. ދަފްތަރު ނަމްބަރު: ރ.ސ.4095

10- މުހައްމަދު އިމްތިސާލް އަހުމަދު. މއ. މަލުވިލާ އުތުރުބައި.

11- އާމިނަތު ޝާދިޔާ. މ.ޕިސްތާގެ

12- އިބްރާހީމް ޝަރީފް. ގ. އަލިޝާ

13- މުހައްމަދު އަމީން ޒާހިރު، ނީލާ. ސ.ހިތަދޫ

14- މުހައްމަދު އަބާން އިބްރާހީމް، ގ.އަންމޯލް

ޖުޑިޝަރީ ކޮމިޓީން މި ނަންތައް ދިރާސާކުރުމަށްފަހު، އެ ކޮމިޓީގެ ރިޕޯޓް މަޖިލީހުގެ ތަޅުމަށް ހުށަހަޅާނެއެވެ. އޭގެ ފަހުން، މަޖިލީހުގެ ވޯޓަކުން މި މަގާމުތަކަށް އައްޔަންކުރާނެ ފަސް ބޭފުޅުން ކަނޑައަޅާނެ އެވެ.

ކްސް އެޕީލް ޓްރައިބިއުނަލަކީ ޓެކްސްއާ ގުޅުންހުރި މައްސަލަތަކުގެ އިސްތިއުނާފް މަރުހަލާގެ މައްސަލަތައް ބަލައި، ގޮތް ނިންމާ މުހިންމު މުއައްސަސާއެކެވެ.