އޮޑި ސްޕޯޓްސް ކްލަބްގެ ކެޕްޓަން މުހައްމަދު ރަޝީދު (ހޮކޭ) މެޗްގެ ތެރެއިން ފިޓްޖެހި ވެއްޓުމާ ގުޅިގެން އޭނާއަށް އޭޑީކޭ ހޮސްޕިޓަލުގައި ފަރުވާދޭން ފަށައިފިއެވެ.

ހޮކޭ ވެއްޓިފައިވަނީ ދިވެހި ޕްރިމިއާ ލީގްގައި މިއަދު ހަވީރު އޮޑި ސްޕޯޓްސް ކްލަބާއި، ޓީސީ ބައްދަލުކުރިމެޗްގެ ތެރެއިންނެވެ. ހޮކޭ ވެއްޓުނީ ބޯޅައަށް ފުންމައިން އަރައި ބޮލުންޖަހަން އުޅެނިކޮށެވެ. ދަނޑުމައްޗަށް ވެއްޓުމާއެކު ހޮކޭއަށް ފުރަތަމަ ފަރުވާ ދީފައިވަނީ ދަނޑުމަތީގައެވެ. އެއަށްފަހުން އޭޑީކޭއަށް ގެންދިޔައީއެވެ.

ބައެއް މީޑިއާތަކަށް މަުއލޫމާތު ދެމުން އޮޑި ސްޕޯޓްސްގެ އޮފިޝަލުން ވަނީ ހޮސްޕިޓަލަށް ގެންދިޔަ މަގުމަތީގައި އަދި ހޮސްޕިޓަލަށް ގެންދިޔަ ފަހުންވެސް ފިޓްޖެހުނު ކަމަށެވެ. އޭދީކޭ އެމަޖެންސީޯ ރޫމްގައި ހޮކޭއަށް ފަރުވާދެމުން އަންނައިރު، ކޮންމެވެސް ވަރަކަށް އޭނާގެ ހާލު ރަނގަޅުކަމަށް މައުލޫމާތު ލިބެއެވެ.

ނޭވާ ހިއްލުމުގެ މައްސަލަތައް ހުރުމުގެ ސަބަބުން މީގެ ކުރިންވެސް ހޮކޭއަށް ފަރުވާ ދޭންޖެހުނުއިރު، ކުރިމަރިވި ސިއްހީ އެ މައްސަލަތަކާހުރެ އޭނާ ވަނީ މީގެ ކުރިން ކުޅުންވެސް ހުއްޓާލާފައެވެ.