ބޮކްސާ ތެރޭ މަސްތުވާތަކެތި ފޮރުވައިގެން އުޅުނު މައްސަލައެއްގައި، ޒުވާނަކު ހައްޔަރުކޮށްފިއެވެ.
ބަންދު އަމުރުގައިވާގޮތުން މި މައްސަލައާ ގުޅިގެން ހައްޔަރު ކުރީ ރ. މަޑުއްވަރީއަށް ނިސްބަތްވާ 19 އަހަރުގެ ޒުވާނެކެވެ. އޭނާއަށް ކުރެވެނީ، މަސްތުވާތަކެތި ބޭނުންކުރުމާއި ގެންގުޅުމުގެ ތުހުމަތެވެ.
އަމުރުގައިވާ ގޮތުން، އޭނާގެ ހަށިގަނޑާއި ބޮކްސާ ދޭތެރެއިން 11 ރަބަރު ޕެކެޓު މަސްތުވާތަކެތި ފެނިފައިވެއެވެ. އަދު އެ ތަކެއްޗަކީ އޭނާ ބޭނުންކުރަން ގަނެފައިވާ ތަކެތި ކަމަށް އޭނާ ބުނިކަންވެސް ފާހަގަކޮށްފައިވެއެވެ.
މީގެއިތުރުން އެ ޒުވާނާގެ ކުޑަކަމުދާ ވަނީ މަސްތުވާތަކެއްޗަށް ޕޮޒިޓިވްވެފައިވާއިރު، އަދި އޭނާއަކީ ކުރިން ވެސް ކުށުގެ ރެކޯޑް އޮތް މީހެއްކަމަށް ބަންދު އަމުރުގައި ވެއެވެ.
ބަންދުއަމުރުގައިވާގޮތުން، ތުހުމަތު ކުރެވޭ ކުށް އޭނާ ކުރި ކަމަށް އެކަށީގެންވާ ހެކި ވަނީ ހުށަހަޅާފައެވެ.
މައްސަލަ ބެއްލެވި ގާޒީ އިބްރާހިމް އިހްސާން ވަނީ އޭނާ 15 ދުވަހަށް ބަންދުގައި ބެހެއްޓުމަށް އަމުރުކޮށްފައެވެ.
Advertisement
This content is created and paid for by advertisers and does not involve Voice Journalists
