ނޮވެންބަރު މަހުގެ ފަހުކޮޅުން ފެށިގެން މިއަދާއި ހަމައަށް އޭޝިއާގެ އެކި ހިސާބުތަކުން ޖުމުލަ 225 ފްލައިޓް ކެންސަލްވެ، 2،794 ލަސްވެ، އާއްމުންނަށް އެތައް އުނދަގޫ ތަކެއް ކުރިމަތިވެއްޖެއެވެ.

މިގޮތުން އެންމެ ގިނައިން ފްލައިޓު ލަސްވެފައިވަނީ ޖަކާޓާ (ސީޖީކޭ) އެއާޕޯޓުންނެވެ. މި އެއާޕޯޓުން ވަނީ 2 ހަފްތާގެ ތެރޭގައި ޖުމުލަ 408 ފްލައިޓް ލަސްވެފައެވެ. މިއާއިއެކު އެއާ ޗައިނާ އާއި އޭއެންއޭ ގްރޫޕުން ޗައިނާ އާއި ޖަޕާނު ސަރަހައްދުން 218 ފްލައިޓު ކެންސަލްކޮށްފައިވެއެވެ. ބެންކޮކް ސުވަރނަބޫމީ (ބީކޭކޭ)  އިން 281 ފްލައިޓު އަދި އިންޗިއޮން (އައިސީއެން) އިން 294 ފްލައިޓު ލަސްވެފައިވެއެވެ. މީގެ އިތުރުންވެސް އޭޝީއާގެ އެކި އެއާޕޯޓުތަކުން ވަނީ އެތައް ދަތުރުތަކެއް ލަސްކޮށް، ކެންސަލްކޮށްފައެވެ. 

މިހާ ގިނަ ދަތުރުތަކެއް ލަސްވުމަށް ބައިވަރު ސަބަބުތަކެއް ކުރިމަތިކުރުވާފާއި ވެއެވެ. އެގޮތުން ޖަޕާން، ޗައިނާ، އިންޑޮނޭޝިއާ، ތައިލެންޑް، އަދި ދެކުނު ކޮރެއާގެ އެއާޕޯޓުތަކަށް ދިމާވި މައްސަލައަކީ މޫސުން ގޯސްވެ، ބޯކޮށް ވާރޭވެހި، ގުގުރުމާއިއެކު ވައިގަދަވެ،  ފޮގް އުފެދި ޖައްވު ނުސާފުވުމެވެ. އެހެންކަމުން ސަލާމަތީ ސަބަބުތަކަށް ޓަކައި ވަގުތީ ގޮތުން ރަންވޭ ބަންދުކުރަން އެ ގައުމުތަކަށް މަޖުބޫރުވެފައިވެއެވެ. މީގެ އިތުރުން ބައެއް އެއާލައިންތަކުން ފަޅުވެރިންގެ މައްސަލަތަކާއި، ހިންގުމުގެ މައްސަލަތަކާއި ހެދި ވެސް އެތައް ތަތުރެއް ލަސްކުރަން ޖެހިފައިވެއެވެ. އަދި ޑިސެމްބަރު މަހަކީ އޭޝިއާގައި ޗުއްޓީ ދަތުރުތަކާއި، ފަތުރުވެރިކަން އަދި ވިޔަފާރީގެ ދަތުރުތައް އެންމެ ގިނައިން ދަތުރުކުރާ ދުވަސްވަރު ކަމަށް ވުމުން އެއަރޕޯޓްތައް ތޮއްޖެހުމުގެ ސަބަބުން ޓޯކިޔޯ ހަނޭޑާ، ސިންގަޕޫރު ޗަންގީ، ޖަކާޓާ، ބެންކޮކް، ބެއިޖިން، އަދި އިންޗިއޮން ފަދަ އެއާޕޯޓުތަކުން ބާރުބޮޑުވެ، ދަތުރުތައް ކެންސަލް ކުރަން ޖެހިފައިވެއެވެ. 

މި ކަމުގެ ސަބަބުންނއެތައް މިލިއަން ރައްޔިތުންނަކަށް ވަނީ އެކި ވަރުގެ ގެއްލުންތަކާއި އުނދަގޫތައް ކުރިމަތިވެފައެވެ. އަދި މައްސަލައިގެ ސަބަބުން އެންމެ ބޮޑަށް އަސަރުކުރި ސިޓީތަކުގެ ތެރޭގައި ޓޯކިޔޯ، ބެއިޖިން، ޖަކާޓާ، ބެންކޮކް، ސިންގަޕޫރު އަދި ސޯލް ހިމެނެ އެވެ.