އިނގިރޭސި ޕްރިމިއާލީގްގައި ރޭ މެންޗެސްޓަރ ޔުނައިޓެޑާއި ބޯންމައުތު ބައްދަލުކުރިމެޗް އެއްވަރުވެގެން ނިމިއްޖެއެވެ.
މެންޗެސްޓަރ ޔުނައިޓެޑްގެ އޯލްޑް ޓްރެފަޑްގައި ކުޅުނު މިމެޗް ނިމުނީ 4-4 ގެ ނަތީޖާއަކުން ދެޓީމް އެއްވަރުވެގެންނެވެ. މެޗްގައި އެންމެ ފުރަތަމަ ލަނޑެއް ޖަހައި ކުރިހޯދީ ޔުނައިޓެޑުންނެވެ. އެއީ 13 ވަނަ މިނެޓް ތެރޭގައި ޑިއާލޯ ކާމިޔާބުކޮށްދިން ލަނޑުންނެވެ. ޔުނައިޓެޑުން ލީޑް ނަގާފައިވަނިކޮށް ބޯންމައުތުގެ ސެމެންޔޯ ވަނީ 40 ވަނަ މިނެޓް ތެރޭގައި ލަނޑެއް ޖަހައި މެޗްގެ ނަތީޖާ ހަމަހަމަކޮށްފައެވެ.
ބޯންމައުތުން އެއްވަރުކުރިނަމަވެސް ފުރަތަމަ ހާފް ނިމުމުގެ ކުރިން ޔުނައިޓެޑްގެ ކަސެމީރޯ ވަނީ ލަނޑެއް ޖަހައި މެޗްގެ ނަތީޖާ ހަމަހަމަކޮށްފައެވެ. ފުރަތަމަ ހާފް ފަށައިގެން މާގިނައިރުތަކެއް ނުވެ ދެވަނަ ފަހަރަށް ބޯން މައުތުން އެއްވަރުކުރިއިރު، 52 ވަނަ މިނެޓްތެރޭގައި އެޓީމުން ވަނީ ފުރަތަމަ ފަހަރަށް މެޗުން ލީޑްނަގާފައެވެ.
ބޯންމައުތާ ޔުނައިޓެޑް ބައްދަލުކުރިމެޗް: ޝޯފުޓްބޯލް
ބޯންމައުތުން މެޗްގެ ލީޑް ނެގުނަމަވެސް ފެނާންޑެޒް އަަދި ކުންޔާގެ ލަނޑުތަކުން ވަނީ ޔުނައިޓެޑުން އެއްވަރުކޮށްފައެވެ. މެޗުން ޔުނައިޓެޑް މޮޅުވުމަށް ކުރި އުއްމީދުތައް ގެއްލިގެންދިޔައީ ބޯންމައުތުގެ ކްރޫފީ ޖަހައިދިން ލަނޑުންނެވެ.
މެޗަށްފަހު ޕްރިމިއާ ލީގް ޕޮއިންޓް ތާވަލް މިހާރު އޮތްގޮތަށް ބަލާއިރު، މެންޗެސްޓަރ ޔުނައިޓެޑް އުޅެނީ 26 ޕޮއިންޓާއެކު ތާވަލުގެ 6 ވަނައިގައެވެ. ބޯންމައުތު އުޅެނީ 21 ޕޮއިންޓާއެކު ތާވަލްގެ 13 ވަނާގައެވެ.
Advertisement
This content is created and paid for by advertisers and does not involve Voice Journalists
