2004 ވަނަ އަހަރުގެ ޑިސެންބަރު މަހު ކުރިމަތިވި ސުނާމީ ކާރިސާއަށް މިއަދު 21 އަހަރު ފުރުނީ އެވެ. މިއީ މި ފަހުން ދިވެހީން ތަޖުރިބާކުރި އެންމެ ހިތްދަތި ކާރިސާ އެވެ.
އިންޑޮނޭޝިޔާގެ ސްމަޓްރާއަށް އައި ބާރުގަދަ ބިންހެލުމާއި ގުޅިގެން އުފެދުނު ބޮޑު ސުނާމީގައި އެތައް ބަޔަކު މަރުވި އެވެ. ސުނަމީގެ އަސަރު 14 ގައުމަށް ކުރި އެވެ. އެ ގައުމުތަކުން 230،000 މީހުންގެ ފުރާނަ ގެއްލުނެވެ.
އެ ހާދިސާގައި ނިސްބަތުން އެންމެ ބޮޑު ގެއްލުމެއްވީ އެއް ގައުމަކީ ރާއްޖެ އެވެ. ރާއްޖޭގައި މީހުން ދިރިއުޅޭ 9 ރަށެއް ފިޔަވައި އެހެން ހުރިހާ ރަށަކަށް ސުނާމީގެ އަސަރު ކުރި އެވެ. އަދި މި ހިތާމަވެރި ކާރިސާގައި، 82 ދިވެހިން ނިޔާވެ، 26 ދިވެހިން ވީނުވީއެއް ނޭނގި ގެއްލިފައިވެ އެވެ. 15000 މީހުންގެ ގެދޮރު ގެއްލުނެވެ.
މި ހާދިސާއަށް 21 އަހަރުވީ އެ ހަނދާންތަކާއި ވަކިވުމެއް ނެތެވެ. މިއަދު އެތައް ބަޔަކު ގެންދަނީ އެ މީހުންގެ ކެމެރާތަކާއި ފޯނުތަކުން ނަގާފައިވާ އެ ދުވަހުގެ އެކި ހަނދާންތައް ހިއްސާކުރަމުންނެވެ.
މާލެއަށް ސުނާމީ އެރިވަގުތު -- ފޮޓޯ: ފިރާޒް
ކަނދޮޅުދޫއަށް ސުނާމީ އަރާ މީހަކަށް ވަރަށް އަނިޔާވެފައި -- ފޮޓޯ: އުނގޫފާރު.ކޮމް
ސުނާމީގައި އެންމެ ގެއްލުވެ އަދި ފަޅުވި ކަނދޮޅުދޫ މީހުން އުނގޫފާރަށް ގެނައުން -- ފޮޓޯ: އުނގޫފާރު.ކޮމް
ގ.އ ނިލަންދޫއަށް ސުނާމީ އަރާފައި -- ފޮޓޯ: ޒިޔާދު
ސުނާމީގައި ރަށަކަށް ގެއްލުންވެފައި -- ފޮޓޯ: މުންޝިދު
ސުނާމީ ކާރިސާގައި 13 އަތޮޅެއްގެ 28 ރަށަކުން މީހުން މަރުވި އެވެ. އަދި ތިން ރިސޯޓަކުން ހަތަރު ފަތުރުވެރިއަކު މަރުވެފައިވެ އެވެ.
އެންމެ ގިނަ ބަޔަކު މަރުވީ ތ. ވިލުފުށިންނެވެ. އެ ރަށުން 15 މީހުން މަރުވެ، ތިން މީހަކު ގެއްލުނެވެ. ކޮޅުފުށިން ވަނީ 10 މީހަކު މަރުވެފަ އެވެ. ހަ މީހަކު ގެއްލުނެވެ.
ސުނާމީގައި އެންމެ ގެއްލުވެ އަދި ފަޅުވި ކަނދޮޅުދޫ މީހުން އުނގޫފާރަށް ގެނައުން -- ފޮޓޯ: އުނގޫފާރު.ކޮމް
ގ.އ ނިލަންދޫއަށް ސުނާމީ އަރާފައި -- ފޮޓޯ: ޒިޔާދު
މާލެއަށް ސުނާމީ އެރިވަގުތު -- ފޮޓޯ: ފިރާޒް
ގ.އ ނިލަންދޫއަށް ސުނާމީ އަރާފައި -- ފޮޓޯ: ޒިޔާދު
ސުނާމީގައި އެންމެ ގެއްލުވެ އަދި ފަޅުވި ކަނދޮޅުދޫ މީހުން އުނގޫފާރަށް ގެނައުން -- ފޮޓޯ: އުނގޫފާރު.ކޮމް
އެ ދުވަހު ހާލުގައި ޖެހުނު ފަރާތްތަކަށް އެހީވުމުގެ ގޮތުން ދިވެހިން ދައްކުވައިދިން ހިތްވަރާއި އޯގާތެރިކަމާއި އެއްބައިވަންތަކަން ފާހަގަ ކުރުމުގެ ގޮތުން ކޮންމެ އަހަރެއްގެ ޑިސެންބަރު މަހުގެ 26 ވަނަ ދުވަހަކީ ދިވެހިންގެ އެއްބައިވަންތަކަމުގެ ދުވަހުގެ ގޮތުގައި ދަނީ ފާހަގަ ކުރަމުންނެވެ.
Advertisement
This content is created and paid for by advertisers and does not involve Voice Journalists
