އިނގިރޭސި ޕްރިމިއާ ލީގްގައި ރޭ މެންޗެސްޓަރ ޔުނައިޓެޑާއި، ނިއުކާސަލް ޔުނައިޓެޑް ބައްދަލުކުރިމެޗް ހަނިގޮތަކަށް ޔުނައިޓެޑް ކާމިޔާބުކޮށްފިއެވެ.
އޯލްޑް ޓްރަފަޑްގައި ކުޅުނު މިމެޗް ޔުނައިޓެޓުން ކާމިޔާބުކުރީ 0-1 ގެ ނަތީޖާއަކުންނެވެ. މެޗްގައި ފެނިގެންދިޔަ ހަމައެކަނި ލަނޑު ޔުނައިޓެޑަށް ކާމިޔާބުކޮށްދިނީ ފުރަތަމަ ހާފްގެ 24 ވަނަ މިނެޓް ތެރޭގައި ޕެޓްރިކް ޑޯގޫ އެވެ. މިއީ އޭނާ ޔުނައިޓެޑަށް ކާމިޔާބުކޮށްދިން ފުރަތަމަ ލަނޑެވެ.
މެޗަށް ޔުނައިޓެޑް ނިކުތީ އަނިޔާގެ ސަބަބުން ޓީމްގެ ބައެއް މުހިންމު ކުޅުންތެރިން ނުލައެވެ. މީގެ އިތުރުން އެފްރިކަން ކަޕަށް ޔުނައިތެޑްގެ މުހިންމު ކުޅުންތެރިން ދޫކޮށްފައިވާއިރު، ނިއުކާސަލް އާ ދެކޮޅަށް ނިކުތީ ސީނިއާ ޓީމުގެ 7 ކުޅުންތެރިން ނުލައެވެ. މެޗުން ޔުނައިޓެޑް މޮޅޫވިނަމަވެސް މޮޅަށް ކުޅެފައިވަނީ ނިއުކާސަލްއެވެ.
މެޗުން ލިބުނު 3 ޕޮއިންޓާއެކު މެންޗެސްޓަރ ޔުނައިޓެ މިހާރު ވަނީ ވަގުތީގޮތުން ތާވަލްގެ ފަސް ވަނައަށް ޖެހިލާފައެވެ.
ޕްރިމިއާ ލީގް ތާވަލް
އިނގިރޭސި ޕްރިމިއާ ލީގްގައި މިރޭ ކުޅުމަށް ހަމަޖެހިފައިވާ މުހިންމު މެޗްތަކަށް ބަލާއިރު އާސެނަލް އާއި ބްރައިޓަން ބައްދަލުކުރާ މެޗާއި ލިވަޕޫލާއި ވުލްވުސް ބައްދަލުކުރާމެޗް ފާހަގަކޮށްލެވެއެވެ.
މިރޭ ލިވަޕޫލް އެއްވަރުކޮށްލިނަމަވެސް މެންޗެސްޓަރ ޔުނައިޓެޑް ތާވަލްގެ ހަ ވަނައަށް ވެއްޓޭނެއެވެ. ހަމަ އެހެންމެ އާސެނަލް ކުލޭމެޗުން އެޓީމް ބަލިވެއްޖެނަމަ އެޓީމަށްވެސް ތާވަލްގެ އެއްވަނަ ގެއްލޭނެއެވެ.
Advertisement
This content is created and paid for by advertisers and does not involve Voice Journalists
