އިނގިރޭސި ޕްރިމިއާ ލީގްގައި ރޭ އެސްޓަން ވިލާ ބަލިކޮށް އާސެނަލް ތާވަލްގެ އެއްވަނާގައި ހަމަޖެހިލައިފިއެވެ.
އަސެނަލްގެ އެމިރޭޓްސް ސްޓޭޑިއަމްގައި ކުޅުނު މިމެޗް އެޓީމުން ކާމިޔާބުކުރީ 1-4 ގެ ނަތީޖާއަކުންނެވެ. މި މެޗްގައި ފެނިގެންދިޔަ ހުރިހާ ލަނޑުތަކެއްވެސް ޖަހާފައިވަނީ ފަހު ހާފްގައެވެ.
މެޗްގައި އާސެނަލްއަށް ގޯލް ހުޅުވާލަދިނީ 48 ވަނަ މިނެޓް ތެރޭގައި މަގަލާއެސް އެވެ. އޭގެ ތިން މިނެޓްފަހުން ޒުބިމެންދީއެވެ. މެޗްގައި އާސެނަލުން ޖެހި ތިންވަނަ ލަނޑު ޓްރޮސާޑް ކާމިޔާބުކޮށްދިން އިރު ފަހުލަނޑު ޖަހައިދިނީ 78 ވަނަ މިނެޓް ތެރޭގައި ޖިސޫސް އެވެ.
މެޗްގައި އެސްޓަންވިލާއަށް ސުންކަނޑުވާލަދިނީ ވޮޓްކިންއެވެ. ރޭގެ މެޗްގައި މޮޅަށް ކުޅެ ގިނަ ހަމަލާތައް އުފައްދާފައިވަނީ އާސެނަލްއެވެ. އާސެނަލުން އެސްޓަން ވިލާގެ ގޯލަށް 7 ހަމަލާއެއް ފޮނުވާލިއިރު، އެސްޓަން ވިލާއިން ވެސް ވަނީ ލަނޑުޖަހާނެ ރަނަގޅު ފުރުސަތުތައް ހޯދާފައެވެ.
އާސެނަލުން ތާވަލްގެ ކުރީގައި އޮވެ މިއަހަރު ނިންމާލިއިރު، ކުޅުނު 19 މެޗުން އެޓީމަށް ވަނީ 45 ޕޮއިްނޓް ލިބިފައެވެ. ތާވަލްގެ ދެވަނާގައި އާސެނަލަށްވުރެ އެއްމެޗް މަދުންކުޅެ 40 ޕޮއިންޓާއެކު ސިޓީ އޮތްއިރު، އެސްޓަންވިލާ އޮތީ 39 ޕޮއިންޓާއެކު ތާވަލްގެ ތިން ވަނާގައެވެ.
Advertisement
This content is created and paid for by advertisers and does not involve Voice Journalists
