ތުރުކީވިލާތުގެ ޤައުމީ އެއާލައިން ޓާކިޝް އެއާލައިނުން ވެލާނާ އިންޓަރނޭޝަނަލް އެއާޕޯޓްގެ އައު ޓާމިނަލް ބޭނުންކުރަން ފަށައިފިއެވެ.
ޓާކިޝް އެއާލައިނަށް ހިދުމަތްދޭން ފެށުން ފާހަގަކުރުމަށް ޓާމިނަލް އެކެއްގައި މިއަދު ވަނީ ހާއްސަ ރަސްމިއްޔާތެއް ބާއްވައިފައެވެ. ރަސްމިއްޔާތު ޝަރަފުވެރިކޮށްދެއްވީ އެމްއޭސީއެލްގެ ސީއީއޯ އަދި މެނޭޖިން ޑިރެކްޓަރު އިބްރާހިމް ޝަރީފު މުހައްމަދުއެވެ.
ރަސްމިއްޔާތުގައި ރާއްޖޭގައި ހުންނަ ޓާކިޝް އެއާލައިންސްގެ ސްޓޭޝަން މެނޭޖަރު އެލިފް އޮޒްޓުރުކް މިނާކް އާއި އެމްއޭސީއެލްގެ އިސްވެރިން އަދި އޮފިޝަލުން ބައިވެރިވެވަޑައިގެންނެވިއެވެ.
ޓާކިޝް އެއާލައިނުން އައު ޓާމިނަލް ބޭނުންކުރަން ފެށުން... ފޮޓޯ: އެމްއޭސީއެލް
ޓާމިނަލް 1 އިން އޭރޯފްލޮޓް އަށް ހިދުމަތް ދޭން ފެށުމުގެ ގޮތުން މިއަދު ވަނީ އެ އެއާލައިންގެ ކައުންޓަރުތައް ރަސްމީކޮށް ހުޅުވައި ހިދުމަތްދޭން ފަށާފައެވެ. މީގެ އިތުރުން މިއަދުގެ ރަސްމިއްޔާތުގެ ތެރެއިން ވަނީ އެ އެއާލައިނުން ފުރި 227 ފަސިންޖަރުންނަށް ހަދިޔާ ދީފައެވެ. އަދި ޓާމިނަލްއަށް ކައިރި ކުރި އޭރޯފްލޮޓްގެ ފުރަތަމަ ފްލައިޓް, TK734 އިން ރާއްޖެ އައި 384 ފަސިންޖަރުންނަށް ވަނީ ސަގާފީ ހަރަކާތްތަކާއެކު ހޫނު މަރުހަބާއެއް ކިޔައިފައެވެ.
ޓާކިޝް އެއާލައިނުން އައު ޓާމިނަލް ބޭނުންކުރަން ފެށުން... ފޮޓޯ: އެމްއޭސީއެލް
ޓާކިޝް އެއާލައިނުން ރާއްޖެއަށް ދަތުރުތައް ފެށީ 2012 ވަނަ އަހަރުގެ ނޮވެމްބަރުމަހުގެ 25 ވަނަ ދުވަހެވެ. ތުރުކީވިލާތުގެ ޤައުމީ އެއާލައިނުން ވީއައިއޭ އައު ޓާމިނަލް ބޭނުންކުރުމާއެކު ޓާމިނަލް 1 ބޭނުންކުރަމުންދާ އެއާލައިންތަކުގެ އަދަދު ވަނީ 41 އަރާފައެވެ.
ރާއްޖެއަށް ދަތުރުކުރާ ބޭރުގެ ބޮޑެތި އެއާލައިންތަކުން ވަނީ އައު ޓާމިނަލް ބޭނުންކުރަން ފަށާފައެވެ. މީގެ ތެރޭގައި ސިންގަޕޯ އެއާލައިންސް، އެމިރޭޓްސް، ޤަތަރު އަދި ބްރިޓީޝް އެއާވޭސް ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
