ވީއައިއޭގެ އާ ޓާމިނަލަށް ހުރިހާ އެއާލައިނެއް ބަދަލުކޮށް ހިދުމަތް ފަށައިފި
ވެލާނާ އިންޓަރނޭޝަނަލް އެއަރޕޯޓް (ވީއައިއޭ)ގެއާ ޓާމިނަލް, ޓާމިނަލް 1 އަށް ހުރިހާ އެއާލައިނެއް ބަދަލުކޮށް ޚިދުމަތް ދޭން ފަށައިފި އެވެ.
ޓާމިނަލް 1 އިން މިހާރު ދަނީ 41 އެއާލައިނަކަށް ޚިދުމަތް ދެމުންނެވެ. އަދި މިހާތަނަށް 600,000 އަށްވުރެ ގިނަ ފަސިންޖަރުންނަށް ވަނީ ހިދުމަތް ދީފަ އެވެ.
ވީއައިއޭގެ އާ ޓާމިނަލަށް ހުރިހާ އެއާލައިނެއް ބަދަލު ކުރުން --
ޓާމިނަލް 1 އަށް ހުރިހާ އެއާލައިނެއް ބަދަލުކޮށް, ހިދުމަތް ދޭން ފެށުން ފާހަގަކުރުމަށް މިއަދު ވަނީ ހާއްސަ ހަފުލާއެއް ބާއްވައިފަ އެވެ. އެ ހަފުލާ ޝަރަފުވެރި ކޮށްދެއްވީ އެމްއޭސީއެލްގެ ސީއީއޯ އަދި މެނޭޖިން ޑިރެކްޓަރުއިބްރާހިމް ޝަރީފު މުހައްމަދު އެވެ. މި ހަފުލާގައި ޓާމިނަލް 1 އަށް ހުރިހާއެއާލައިނެއް ބަދަލުކޮށް ހިދުމަތް ދޭން ފެށުމުގެ ކާމިޔާބީ ފާހަގަކުރުމުގެ ގޮތުން ޚާއްސަ ކޭކެއް ވަނީ ފަޅައިފަ އެވެ.
ވީއައިއޭގެ އާ ޓާމިނަލަށް ހުރިހާ އެއާލައިނެއް ބަދަލު ކުރުން --
ހަފުލާގައި ވާހަކަ ދައްކަވަމުން އެމްއޭސީއެލްގެ ސީއީއޯ އަދި މެނޭޖިންޑިރެކްޓަރު އިބްރާހިމް ޝަރީފު މުހައްމަދު ވަނީ 26 ޖުލައި 2025 ގައި އާޓާމިނަލް ހުޅުވުމަށް އެމްއޭސީއެލްގެ މުވައްޒަފުން ކުރި ބުރަ އަދި ބޮޑު މަސައްކަތް ފާހަގަ ކުރައްވައިފަ އެވެ. އެގޮތުން އެމްއޭސީއެލްގެ މުވައްޒަފުން އެ މުވައްޒަފުންގެއާއިލާއާ ދުރުގައި އެތައް ގަޑިއިރެއް ހޭދަކުރި އިރު, އެމްއޭސީއެލްގެ މުވައްޒަފުންމަސައްކަތްކުރީ އަމިއްލަ ނަފުސު އެއްފަރާތްކޮށް އެމްއޭސީއެލް ވަންތަވެގެން ކަމަށް ވިދާޅުވި އެވެ.
ވީއައިއޭގެ އާ ޓާމިނަލަށް ހުރިހާ އެއާލައިނެއް ބަދަލު ކުރުން --
އަދި ވިދާޅުވީ ޓާމިނަލް 1 ހުޅުވުމަށް މުވައްޒަފުން ކުރި ބުރަ މަސައްކަތަކީ ގައުމަށާއި އެމްއޭސީއެލްއަށް ކޮށްދިން ކަމެއް ކަމަށާއި އެކަމަށްޓަކައި ފަޚުރުވެރިވާ ކަމަށެވެ. އަދި މުވައްޒަފުންގެ އަމާޒަކަށް ވާންވީ ގުޅިގެންމަސައްކަތްކޮށް ކުންފުނި އާ އުސްމިންތަކަކަށް ގެންގޮސް މި އަހަރަށްވުރެ ކާމިޔާބު އަހަރަކަށް އަންނަ އަހަރު ހެދުމަށް ކަމަށް ވިދާޅުވި އެވެ.
Advertisement
This content is created and paid for by advertisers and does not involve Voice Journalists
