ޤައުމީ އެއާލައިން މޯލްޑިވިއަނުން އަނެއްކާވެސް ބަނގްލަދޭޝްއަށް ދަތުރުތައް ފެށުމަށް ނިންމައިފިއެވެ.
މޯލްޑިވިއަނުން އެކްސްގައި ކުރި ޕޯސްޓެއްގައި ބުނެފައިވަނީ، އަންނަ މާޗްމަހުން ފެށިގެން ބަންގްލަދޭޝް އާ ރާއްޖެއާ ދެމެދު ސީދާ ދަތުރުތައް ފެށުމަށް ނިންމާފައިވާކަމަށެވެ. މި ދަތުރުތައް ފެށުމަށް ހަމަޖެހިފައިވަނީ އޭޕްރިލްމަހުގެ 12 ވަނަ ދުވަހުން ފެށިގެންނެވެ.
މޯލްޑިވިއަނުން މި ދަތުރުތައް ބޭއްވުމަށް ހަމަޖެހިފައިވަނީ، ކޮންމެ ހަފްތާއެއްގެ ބަރާސްފަތި އަދި އާދިއްތަ ދުވަހުއެވެ. މި ދަތުރުގެ ޓިކެޓްގެ އަގަކަށް 399 ޑޮލަރު ކަނޑައެޅިފައިވާއިރު، ބެގޭޖް އެލަވަންސްގެ ގޮުގައި 30 ކިލޯ ލިބެއެވެ.
މޯލްޑިވިއަނުން ބަންގްލަދޭޝްއަށް ކުރަމުން އައި ދަތުރުތައް ހުއްޓާލާފައިވަނީ މިދިޔަ އަހަރުގެ އޮގަސްޓްމަހު ހިސާބުގައެވެ. މައިގަނޑު ސަބަބަކީ އެޤައުމުގައި އުފެދުނު ހަމަނުޖެހުންތަކުގެ ސަބަބުންނެވެ. އޭރު މޯލްޑިވިއަނުން ދިޔައީ ކޮންމެ ހަފްތާއަކު ޑާކާއަށް ދަތުރުތައް ބާއްވަމުންނެވެ.
ދިވެހިރާއްޖެއަކީ ބަންގްލަދޭޝްއަށް ނިސްބަތްވާ ގިނަ އަދަދެއްގެ މަސައްކަތްތެރިން އުޅޭ ޤައުމެކެވެ. އެހެންކަމުން ދެ ޤައުމުގެ ދެމެދު އެކަށީގެންވާ ރަނގަޅު ޑިމާންޑެއް އޮންނަކަން މޯލްޑިވިއަނުން ފާހަގަކުރެއެވެ.
Advertisement
This content is created and paid for by advertisers and does not involve Voice Journalists
