އަދުގެ ސަރުކާރުގެ ކުރިއަށްމިއޮތް ދުވަސްތައް ވެގެންދާނީ ކުދި ވިޔަފާރިތަކަށް ލުއިތައް ލިބިގެންދާނޭ ދުވަސްތަކަށް ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވެފައިވަނީ ރައީސުލްޖުމްހޫރިއްޔާގެ ތަރުޖަމާނު ހީނާ ވަލީދުގެ 'ތަރުޖަމާނާއިއެކު' ޕޮޑްކާސްޓުގެ ފުރަތަމަ އެޕިސޯޑުގައި ވާހަކަފުޅު ދައްކަވަމުންނެވެ.
މި ޕޮޑްކާސްޓަކީ ސަރުކާރުން ކުރައްވަމުން ގެންދަވާ މުހިންމު މަސައްކަތްތަކާއި ބެހޭ ފަހުގެ މައުލޫމާތު އަދި ރައްޔިތުންނަށް އޮޅުން އަރާ ބައެއް މައުލޫމާތު ސާފުކޮށް ގެނެސްދިނުމަށް ކުރިއަށް ގެންދާ ޕޮޑްކާސްޓެކެވެ.
މި ޕޮޑްކާސްޓުގައި މިނިސްޓަރު ވިދާޅުވީ މި ސަރުކާރަކީ ކުދި އަދި މެދުު ފަނތީގެ ވިޔަފާރިތަކަށް ލުއިފަސޭހަތައް ހޯދައިދިނުމަށް ހާއްސަ ސަމާލުކަމެއް ދީގެން މަސައްކަތް ކުރާ ސަރުކާރެއް ކަމަށެވެ. އެގޮތުން ކުދި ވިޔަފާރިތަކަށް ހާއްސަ ސަމާލުކަމެއް ދިނުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކެބިނެޓް ގައި ވެސް ވަރަށް މުހިންމު މަޝްވަރާތަކެއް ކުރައްވާފައިވާކަމަށްވެސް މިނިސްޓަރު ވިދާޅުވިއެވެ.
2026 އަދި 2017 ވަނަ އަހަރަކީ ކުދި ވިޔަފާރިތަކަށް ލުއިތަކެއް ލިބޭ 2 އަހަރަށް ހައްދަވަން ރައީސް ވަރަށް ބޮޑަށް ބޭނުންފުޅުވޭ
އިކޮނޮމިކް މިނިސްޓަރު މުހައްމަދު ސައީދު
ވަޒީރު ވިދާޅުވީ ކުދި އަދި މެދުފަންތީގެ ވިޔަފާރިވެރިންނާއި ރައިސް ބައްދަލުކުރެއްވުމުގެ ތެރެއިން އެ ފަރާތްތަކުން އެންމެ އާއްމުކޮށް ހުށަހެޅި މައްސަލައަކީ އިންޕޯޓު ވިޔަފާރީގައި ކުރިމަތިވާ ދަތިތަކާއި އުނދަގޫތަކުގެ ވާހަކަތައް ކަމަށެވެ. އެގޮތުން މި މައްސަލަތައް ހައްލުކުރުމަށް ސަރުކާރުން ވަނީ މުދާ ކްލިއަރ ކުރާ ގަޑި އިތުރު ކޮށްދެއްވާ އަދި އިތުރު ހިދުމަތްތައް ތައާރަފްކޮށް ވިޔަފާރިގައި ދިމާވާ އެހެނިހެން އުނދަގޫތަކާއި ދަތިތަކަށްވެސް ހައްލު ހޯދައިދެއްވުމުގެ މަސައްކަތް ފައްޓަވާފައިކަމަށްވެސްް ވަޒީރު ވިދާޅުވިއެވެ.
މިގޮތުން މުދާ ކްލިއަރ ކުރުމުގެ ވަގުތު އަދި ޑެމަރޭޖް ފީ ނެގުމުގެ ވަގުތު 80 ގަޑިއިރުން 124 ގަޑިއިރަށް އިތުރުކޮށް އެތައް ލުއިފަސޭހަތަކެއް މި ސަރުކާރުން ވަނީ ހޯދައިދެއްވާފައިވާކަން ވަޒީރުގެ ވާހަކާގައި ފާހަގަކުރެއްވިއެވެ.
Advertisement
This content is created and paid for by advertisers and does not involve Voice Journalists
