ތިން ބިލެއްގެ މަސައްކަތް ކުރިއަށް ގެންދަން މަޖިލީހުގެ ދައުރުން ބޭރު ޖަލްސާއެއް މާދަމާ ބާއްވަން ނިންމައިފިއެވެ.

އެގޮތުން މާދަމާ ހެނދުނު 09:00ގައި ދައުރުން ބޭރުން ބާއްވާ ޖަލްސާގެ އެޖެންޑާގައި ވަނީ ތިން ބިލެއް ތައާރަފުކުރުމަށްފަހު އެ ތިން ބިލުގެ ބަހުސް ކުރިއަށް ގެންދިޔުމެވެ.

އޭގެ ތެރޭގައި ހިމެނެނީ، 

1) ސަރުކާރުގެ ފަރާތުން ހިތަދޫ މެދު ދާއިރާގެ މެންބަރު އަހްމަދު އަޒާން މަރުޒޫގް ހުށަހަޅުއްވާ ދިވެހިރާއްޖޭގެ ޤާނޫނުލްއުޤޫބާތަށް އިސްލާހު ގެނައުމުގެ ބިލު،

2) ސަރުކާރުގެ ފަރާތުން މިލަންދޫ ދާއިރާގެ މެންބަރު ހަސަން މުފީދު އަބްދުލްޤާދިރު ހުށަހަޅުއްވާ ދިވެހިރާއްްޖޭގެ ޕެންޝަނާބެހޭ ޤާނޫނަށް އިސްލާހު ގެނައުމުގެ ބިލު

3) ސަރުކާރުގެ ފަރާތުން އިނގުރައިދޫ ދާއިރާގެ މެންބަރު އިބްރާހިމް ފަލާހު ހުށަހަޅުއްވާފައިވާ ދިވެހިރާއްޖޭގެ ޖުމްހޫރިއްޔާގެ ގާނޫނު އަސާސީއަށް އިސްލާޙް ގެނައުމުގެ ބިލުގެ ފުރަތަމަ ކިޔުން އިއްވުން.

މީގެއިތުރުން އެޗްއާރްސީއެމްއަށް ރައީސެއް އައްޔަނު ކުރުމުގެ މައްސަލަވެސް އެޖެންޑާ ކޮށްފައިވެ އެވެ.