މިހިނގާ ޖެނުއަރީމަހު ތައިލެންޑްގައި ފެށުމަށް ހަމަޖެހިފައިވާ ސާފް ވުމެންސް ފުޓްސަލް މުބާރާތުގައި ވާދަކުރާ ރާއްޖޭ ޤައުމީ ޓީމް ތައިލެންޑަށް ފުރައިފިއެވެ.

ރާއްޖޭގެ ސީނިއާ އަންހެން ޤައުމީ ފުތްސަލް ޓީމް ތައިެލންޑަށް ރޭ ފުރާފައިވާއިރު، މި ޓީމް ފުރުމުގެ ކުރިން ކުޅިވަރާބެހޭ ވުޒާރާގެ ސްޓޭޓް މިނިސްޓަރ އަބްދުލް ރައްޒާޤް އަދި އެފްއޭއެމްގެ ޖެނެރަލް ސެކްރެޓަރީ އަޙްމަދު ޒަރީރު ވަނީ ޓީމާ ބައްދަލުކުރައްވައި ހިތްވަރުދެއްވާފައެވެ.

ތައިލެންޑަށް ފުރި ޓީމްގައި 14 ކުޅުންތެރިންނާއި 4 އޮފިޝަލުން ހިމެނެއެވެ.

ޓީމް ތައިލެންޑަށް ފުރުމުގެ ކުރިން.. ފޮޓޯ: އެފްއޭއެމް/އިމޭޖަސް އެމްވީ

ސާފް ވިމެންސް ފުޓްސަލް ޗެމްޕިއަންޝިޕްގެ މެޗްތައް ފަށާނީ މިހިނގާ ޖެހުއަރީމަހުގެ 13 ވާ ހޯމަދުވަހެވެ. 

ސާފް ވުމެންސް ފުޓްސަލް ޗެމްޕިއަންޝިޕް 2026 ހުޅުވާ މެޗުގައި ދިވެހިރާއްޖެ ނިކުންނާނީ އަވައްޓެރި އިންޑިއާ އާ ދެކޮޅަށެވެ. އެ މެޗް ފެނިގެންދާނީ ރާއްޖެގަޑިން މެންދުރު 14:00 ގައެވެ.

މިފަހަރުގެ މުބާރާތުގެ މެޗްތައް ޖެނުއަރީ 25ގެ ނިޔަލަށް ކުރިއަށްދާއިރު މިފަހަރުގެ މެޗްތައް ކުޅުމަށް ހަމަޖެހިފައިވަނީ ނޮންތަބުރީ ސްޓޭޑިއަމްގައެވެ. މުބާރާތުގައި އިންޑިއާގެ އިތުރުން ޕާކިސްތާން، ސްރީލަންކާ، ބޫޓާން، އަދި ބަނގްލަދޭޝް ވާދަކުރާނެއެވެ. މުބާރާތުގެ ޗެމްޕިއަންކަން ލިބޭނީ ކުޅޭ މެޗްތަކަށްފަހު އެންމެގިނައިން ޕޮއިންޓް ލިބޭ ޓީމަކަށެވެ.