އެފްރިކަން ކަޕް އޮފް ނޭޝަންސް (އެފްކޮން) ގެ ސެމީފައިނަލުގެ ޖާގައެއް މުބާރާތް ބާއްވާ މޮރޮކޯއިން ހޯދައިފިއެވެ.
މުބާރާތުގެ ސެމީގެ ޖާގައެއް މޮރޮކޯ ކަށަވަރުކޮށްފައިވަނީ ކުއާޓާ ފައިނަލުގައި ކެމަރޫން އާ ދެކޮޅަށް ކުޅުނުމެޗް ކާމިޔާބުކޮށްގެންނެވެ. ވާދަވެރި ކުޅުމެއް ފެނިގެންދިޔަ މިމެޗް މޮރޮކޯ ކާމިޔާބުކުރީ 0-2 ގެ ނަތީޖާއަކުންނެވެ.
މެޗްގައި މޮރޮކޯއަށް ގޯލް ހުޅުވާލަދިނީ، 26 ވަނަ މިނެޓް ތެރޭގައި ކާބީ ތަނަވަސްކޮށްދިން ފުރުސަތެއްގައި ޑިއާޒް އެވެ. މޮރޮކޯގެ ދެވަނަ ލނަޑު ކާމިޔާބުކޮށްދިނީ 74 ވަނަ މިނެޓް ތެރޭގައި ސައިބާރީއެވެ. މެޗްގައި ޑިއާޒް ކާމިޔާބުކޮށްދިން ލަނޑަކީ މުބާރާތުގައި އޭނާޖެހި 5 ވަނަ ލަނޑެވެ. ކުޅުނު ފަސް މެޗްގައި ޑިއާޒް ސްކޯކޮށްފައިވާއިރު، މިއީ އެފްކޮންގައި މޮރޮކޯގެ ކުޅުންތެރިއަކު ކޮންމެ މެޗެއްގައި ލަނޑުޖެހި ފުރަތަމަ ފަހަރެވެ.
އެފްކޮން ސެމީފައިނަލުގައި މޮރޮކޯ ބައްދަލުކުރާނޭ ޓީމެއް އެނގޭނީ، ނައިޖީރިއާ އާއި އަލްޖީރިއާ ބައްދަލުކުރާ މެޗަށްފަހުއެވެ.
އެފްކޮންގެ ސެމީގެ ޖާގައެއް ހޯދި އަނެް ޓީމަކީ ސެނެގާލެވެ. ސެމީގެ ޖާގައެއް ސެނެގާލް ހޯދާފައިވަނީ، 0-1 ގެ ނަތީޖާއަކުން މާލީ ބަލިކުރުމަށްފަހުއެވެ.
Advertisement
This content is created and paid for by advertisers and does not involve Voice Journalists
