ދިރާގު ލިމިޓެއްނެތް ފައިބަރ ބްރޯޑްބޭންޑް ޕެކޭޖްތަކަށް ހާއްސަކޮށްގެން ޕްރޮމޯޝަނެއް އިއުލާނުކޮށްފިއެވެ.

މި ޕްރޮމޯޝަން ކުރިއަށްދާނީ 8 އިން 31 ޖަނަވަރީ 2026ގެ ނިޔަލަށެވެ.

ދިރާގުން ބުނީ މި ޕްރޮމޯޝަން މެދުވެރިކޮށް ހިލޭ ސްމާޓް ކެމެރާ އާއިއެކު ކޮންމެ ހަފުތަކާއަކު 65 އިންޗީގެ ޓީވީއެއް ހޯދުމުގެ ފުރުސަތު ލިބިގެންދާނެއެވެ.

އެގޮތުން، ދިރާގު މި ޕްރޮމޯޝަނުގެ ޕެކޭޖްތައް މިހާރު ވެސް ބޭނުންކުރަމުންދާ ކަސްޓަމަރުންގެ ތެރެއިން ޕެކޭޖް އަޕްގްރޭޑްކުރާ ކަސްޓަމަރުންނަށް އަދި އަލަށް މި ހިދުމަތް ހޯދާ ފަރާތްތަކަށް މި އަގު ހުރި އިނާމުތައް ހޯދުމުގެ ފުރުސަތު ލިބިގެންދާނެކަމަށް ދިރާގުން ބުނެއެވެ.

މި ޕްރޮމޯޝަންގެ ދަށުން، ލިމިޓެއްނެތް ފައިބަރ ބްރޯޑްބޭންޑްގެ 30 އެމް.ބީ.ޕީ.އެސް ނުވަތަ އެއަށްވުރެ މަތީ ސްޕީޑެއްގެ އައު ކަނެކްޝަނެއް ނަގާ ކަސްޓަމަރުންނަށް ހިލޭ 'އިންޑޯ ސްމާޓް ކެމެރާއެއް އަދި 50 އެމް.ބީ.ޕީ.އެސް އިން ފެށިގެން މަތީގެ ޕެކޭޖެއް ހިޔާރުކުރާ ފަރާތްތަކަށް 'އިންޑޯ އަދި އައުޓްޑޯ ސްމާޓް ކެމެރާ ބަންޑްލް' އެއް މުޅިން ހިލޭ ލިބިގެންދާނެކަމަށް ވެސް އެކުންފުނިން ބުނެއެވެ. 

މީގެ އިތުރުން، މި ޕްރޮމޯޝަންގެ މުއްދަތުގައި 30 އެމް.ބީ.ޕީ.އެސް ނުވަތަ އެއަށްވުރެ މަތީ ސްޕީޑަކަށް ކަނެކްޝަން އަޕްގްރޭޑް ކުރައްވާ ފަރާތްތަކަށް ވެސް 'އިންޑޯ އަދި އައުޓްޑޯ ސްމާޓް ކެމެރާ ބަންޑްލް' އެއް ހިލޭ ލިބޭނެކަމަށާއި، މިއީ ހަލުވި ސްޕީޑުގެ އިންޓަރނެޓާއެކު ގޭތެރޭގެ ރައްކާތެރިކަން އިތުރަށް ވަރުގަދަކުރުމަށް ލިބިގެންދާ ރަނުގެ ފުރުސަތެއްކަމަށްވެސް ދިރާގުން ބުނެއެވެ.