އެފްއޭއެމް ހިޔާނާތުެގ މައްސަލާގައި އެ އިދާރާގެ ކުރީގެ ރައީސް ބައްސާމް އަދީލް ޖަލީލް ހަތަރު އަހަރަށް ޖަލަށްލުމަށް ކްރިމިނަލް ކޯޓުން އޭނާގެ މައްޗަށް އިއްވި ހުކުމް ހައިކޯޓުގައި އިސްތިއުނާފްކޮށްފިއެވެ.
ކްރިމިނަލް ކޯޓުން މިދިޔަ އޮކްޓޯބަރުމަހު ކުރި މި ހުކުމަކީ ބައްސާމްގެ މައްޗަށް ހުށަހެޅިފައިވާ މައްސަލަތަކާ ގުޅޭގޮތުން ކޯޓުން އިއްވި ފުރަތަމަ ހުކުމެވެ. މި މައްސަހަ ބައްސާމުގެ ފަރާތުން ހައިކޯޓަށް އިސްތިއނާފަށް އެދި ހުށަހަޅާފައިވަނީ މިދިޔަ ހަފްތާގެ ތެރޭގައެވެ. ނަމަވެސް ކޯޓުން އަދި މިހާތަނަށް މި މައްސަލަ ބަލައިގަތުމަށް ވަކިގޮތެއް ނިންމާފައެއް ނުވެއެވެ.
ބައްސާމްގެ މައްޗަށް ދެ ދައުވާއެއް އުފުލާފައި އޮތެވެ. އެއީ ފުޓްބޯލް އެސޯސިއޭޝަން އޮފް މޯލްޑިވްސްއަށް އެކި ފަރާތްތަކުން ދޭ ފައިސާއަށް އެ އެސޯސިއޭޝަންގެ އިސްވެރިން ހިޔާނާތްތެރިވެ، އިތުރު ކުށުގެ އަމަލުތައް ހިންގާކަމަށް ތުހުމަތުކުރެވޭ މައްސަލައިގައި އުފުލި ޖިނާއީ ދެ ދައުވާއެކެވެ.
އޮކްޓޯބަރުމަހު ކްރިމިނަލް ކޯޓުން ބައްސާމަށް ހުކުމް އިއްވީ ޚިޔާނާތްތެރިވުމުގެ ދައުވާ އެވެ. މި ދައުވާގެ އަސާސީ އަދަބަކީ 1 އަހަރާއި 7 މަހާއި 6 ދުވަހުގެ މުއްދަތަކަށް ޖަލަށްލުމެވެ. ނަމަވެސް ދައުލަތުން ވަނީ އެންމެ ބޮޑު އަދަބެއް ކަނޑައަޅައި ދިނުމަށް އެދިފަ އެވެ.
އެހެން ކަމުން ގާޒީ ނިންމެވީ ޚިޔާނާތްތެރިވުމުގެ ކުށުން ބައްސާމް ކުށްވެރިވާ ކަމަށެވެ. އަދި ހަތަރު އަހަރަށް ޖަލަށް ލުމަށެވެ.
Advertisement
This content is created and paid for by advertisers and does not involve Voice Journalists
