ތައިލެންޑްގައި މިހާރު ކުރިއަށްދާ ސާފް ފުޓްސަލް ޗެމްޕިއަންޝިޕްގައި މިއަދު ބަންގްލަދޭޝް އާއި ޕާކިސްތާން ބައްދަލުކުރިމެޗް، ޕާކިސްތާނުން ކާމިޔާބުކޮށް ތާވަލްގެ ދެވަނައަށް ޖެހިލައިފިއެވެ.

މިމެޗް ބަންގްލަދޭޝްގެ މައްޗަށް ޕާކިސްތާނުން ކުރިހޯދީ 5-1 ގެ ނަތީޖާއަކުންނެވެ. މެޗްގެ ފުރަތަމަ ހާފްގެ ކުޅުން ނިންމާލީ 0-1 ގެ ނަތީޖާއަކުން ޕާކިސްތާން ކުރީގައި  އޮވެގެންނެވެ. މި ލަނޑު ޖަހައިޖިދީ އަލީ އާގާއެވެ.

ޕާކިސްތާނާ ބަންގްލަދޭޝް ބައްދަލުކުރިމެޗްގެ ތެރެއިން... ފޮޓޯ: ސާފް

މެޗްގައި ދެން ޕާކިސްތާނަށް ލަނޑުތައް ކާމިޔާބުކޮށްދިނީ ޒައިދުﷲ ޚާން، ސާލާ އަހުމަދު ޚާންއެވެ. މެޗްގައި ޕާކިސްތާނުގެ އަލީ އާގާ އަދި ޒައިދުﷲ މިއިން ކޮންމެ ކުޅުންތެރިއަކު ވަނީ ދެ ލަނޑު ޖަހާފައެވެ. ބަންގްލަދޭޝްއަށް ސުންކަނޑުވާލަދިނީ ފައެދް އާޒިމް އެވެ.

މެޗްގެ 16 ވަނަ މިނެޓް ތެރޭގައި ޕާކިސްތާނުގެ މުހައްމަދު ހަސަން ޒަފަރު ހާނަށް ވަނީ ރަތްކާޑު ދައްކާފައެވެ.

މިމެޗުން ޕާކިސްތާން މޮޅުވުމުން އެޓީމަށް މިހާރު އުޅެނީ 10 ޕޮއިންޓާއެކު ތާވަލްގެ ދެވަނާގައެވެ. އެއްވަނާގައި އުޅެނީ ކުޅުނު ހުރިހާ މެޗްތަކަކުން މޮޅުވި ދިވެހިރާއްޖެއެވެ.