މިމަހުގެ 23 ވަނަ ދުވަހާއި 24 ވަނަ ދުވަހު، 48 ގަޑިއިރު ތެރޭ ހުޅުމާލޭއިން ޓޯކުރީ އެންމެ 14 އުޅަނދުކަމަށް ފުލުހުން މައުލޫމާތުދީފިއެވެ. 

މިއަދު ފުލުހުން އާންމުކުރި ތަފާސްހިސާބުގައިވާގޮތުން ހުޅުމާލެއިން ޓޯވ ކުރެވުނު ޖުމްލަ 14 އުޅަނދުގެ ތެރޭގައި ހިމެނެނީ 2 ފުރޮޅުލީ 13 އުޅަނދާއި، 4 ފުރޮޅުލީ 1 އުޅަނދެވެ.

އެގޮތުން، ލައިސެންސް ނެތި ދުއްވައިގެން ޖުމްލަ 2 ފުރޮޅުލީ 10 އުޅަނދު އަދި 4 ފުރޮޅުލީ 1 އުޅަނދު ޓޯވ ކޮށްފައިވެއެވެ. ލައިސެންސް ނެތި ދުއްވި މައްސަލައިގައެވެ. އަދި 2 ފުރޮޅު ލީ 1 އުޅަނދު އެކްސިޑެންޓު ފަދަ ތަހުގީގުކުރާ މައްސަލައަކަށާއި، ނުރައްކާތެރިކޮށް ދުއްވައިގެން އަދި  ގަވައިދާ ޚިލާފަށް ޕާކުކޮށްގެން ވެސް ޓޯވ ކޮށްފައިވެއެވެ. 

މީގެ އިތުރުން 46 އުޅަނދު ޓްރެފިކް ޖޫރިމނާވެސް ކޮށްފައިވެއެވެ. އެއީ ދެ ފުރޮޅުލީ 32 އުޅަނދާއި، ހަތަރު ފުރޮޅުލީ 14 އުޅަނދެވެ.

މިހާރު ފުލުހުން ގެންދަނީ މާލެއާއި، ހުޅުމާލޭގެ މަގުތަކުގައި އާއްމު ރައްޔިތުންނަށް އުނދަގޫވާގޮތަށް ޕާކުކޮށްފައި ހުންނަ އުޅަނދުތައް ޓޯވ ކުރުމުގެ މަސައްކަތް އެކި ވަގުތުތަކުގައި ކުރަމުންނެވެ.