މިއަހަރު ދިވެހިރާއްޖޭގައި ބޭއްވުމަށް ނިންމާފައިވާ ސާފް ޗެމްޕިއަންޝިޕް 20 އަހަރުން ދަށުގެ މުބާރާތުގައި ރާއްޖެ ގްރޫޕް އޭގައި ލައްވާލައިފިއެވެ.
ތައިލެންޑްގައި މިއަދު ކުރިއަށްގެންދިޔަ ގުރުއަތުނެގުން ނިމުނުއިރު ރާއްޖެ ހިމެނޭ ގްރޫއްޕް އޭގައި ހިމެނޭ ޓީމްތަކަކީ، ރާއްޖޭގެ އިތުރުން ނޭޕާލް، ސްރީލަންކާ، އަދި ބޫޓާން އެވެ. މި މުބާރާތުގައި އެންމެ ވަރުގަދަވާނޭކަމަށް ބެލެވެނީ ގްރޫޕް ބީ އެވެ. މި ގްރޫޮްގައި ހިމެެނޭ ޓީމްތަކަކީ، އިންޑިއާ، ބަންގްލަދޭޝް އަދި ޕާކިސްތާނެވެ.
މިފަހަރުގެ މުބާރާތުގެ ފޭވަރިޓް ޓީމްގެ ގޮތުގައި ހިމެނެނީ އިންޑިއާއެވެ. އަދި އެންމެ ފޯރިގަދަވާނޭ ގްރޫއްޕުގެ ގޮތުގައި ބެލެވެނީވެސް ބީ އެވެ. ސަބަބަކީ އިންޑިއާ ހިމެނޭ މި ގްރޫޕްގައި ބަންގްލަދޭޝް އަދި ޕާކިސްތާނު ހިމެނޭތީއެވެ.
މި މުބާރާތް ބޭއްވުމަށް ހަމަޖެހިފައިވަނީ އަންނަ މާޗްމަހުގެ 23 ހުން ފެށިގެން އޭޕްރިލްމަހުގެ 3 ވަނަ ދުވަހުގެ ނިޔަލަށެވެ. ސާފް ޗެމްޕިއަންޝިޕް ޒުވާން ޓީމުތަކުގެ ކާމިޔާބީއަށް ބަލާއިރު، އެންމެ ކާމިޔާބީ އިންޑިއާއެވެ. އެޤައުމުން ވަނީ މިހާތަނަށް ޒުވާންޓީމްތަކުގެ އެކި އުމުރުފުރާތަކުގެ ޗެމްޕިއަންކަން ހޯދާފައެވެ.
Advertisement
This content is created and paid for by advertisers and does not involve Voice Journalists
