ކޮންމެ އަހަރެއްގެވެސް ރަމަޟާންމަހާ ދިމާކޮށް ސައުދީ އަރަބިއާއިން ރާއްޖެއަށް ހަދިޔާ ކުރާ ކަދުރުބެހުން މިފަހަރުވެސް އޮންނާނޭކަމަށް އިސްލާމިކް މިނިސްޓްރީން ބުނެފިއެވެ.

ވޮއިސްއަށް މައުލޫމާތު ހިއްސާކުރަމުން އިސްލާމިކް މިނިސްޓްރީގެ އޮފިޝަލަކު ވަނީ އެކަން ކަށަވަރުކޮށްދީފައެވެ. އޮފިޝަލް ވިދާޅުވީ ސައުދީން ހަދިޔާކުރާ ކަދުރު ބެހުން މިފަހަރުވެސް ކުރިއަށްދާނޭކަމަށެވެ. ނަމަވެސް އެކަން ކުރިއަށްގެންދާނޭ ތާރީހެއް އަދި ހާމައެއް ނުކުރެއެވެ. ނަމަވެސް ވަރަށް އަވަހަށް އެ މައުލޫމާތު އާއްމުކުރާނޭކަމަށް އޮފިޝަލް ވަނީ ފާަހގަކުރައްވާފައެވެ. 

ކޮންމެ އަހަރެއްގެވެސް ރަމަޟާންމަހާ ދިމާކޮށް ސައުދީން ރާއްޖެއަސް ކަދުރު ހަދިޔާކުރެއެވެ. ސައުދީން ހަދިޔާކުރި ކަދުރު މިދިޔަ ފަހަރު ބަހަން ފަށާފައިވަނީ ޖެނުއަރީމަހުގެ ފަހުކޮޅުއެވެ. އެއީ ރޯދައިގެ ކުރިންނެވެ.

ސައުދީން މިދިޔަ އަހަރު ރާއްޖެއަށް ކަދުރު ހަދިޔާކުރި ރަސްމިއްޔާތުގެ ތެރެއިން

މިދިޔަ އަހަރު ސައުދީން ވަނީ ރާއްޖެއަށް 60 ޓަނުގެ ކަދުރު ހަދިޔާކޮށްފައެވެ. އެ އަހަރު ލިބުނު ކަދުރުން ކޮންމެ 100 ގޭބިސީއަކަށް ޖެހެނީ 25 ޕެކެޓް ކަދުރެވެ.

އިސްލާމިކް މިނިސްޓްރީން އެ އަހަރު ސިޓީތަކާއި އަތޮޅުތަކުގެ ރަށްރަށުގައި ކަދުރު ބަހާފައިވަނީ މީހުން ދިރިއުޅޭ ގޭބިސީތަކުގެ ތެރެއިން ކަދުރު ބަލައި ހާޒިރުވި ތަރުތީބުން ކޮންމެ ގޭބިސީއަކަށް 1 ޕެކެޓް ކަދުރެވެ.

ސައުދީ ބަހާ ކަދުރަށް ދިވެހިންގެ ފަރާތުން ބޮޑު ޝައުގުވެރިކަމެއް ލިބިގެންދާއިރު، ސައުދީން ރާއްޖެއަށް ކަދުރު ހަދިޔާކުރަނީ ދެޤައުމުގެ ދެމެދުގައި އޮންނަ އިސްލާމީ އަހްވަންތަގުޅުމުގެ ރަމްޒެއްގެ ދަށުން ސައުދީ ރަސްގެފާނުގެ ހާއްސަ އިސްނެންގެވުމެއްގެ ދަށުންނެވެ.