8,218 ދަރިވަރުންނާއިއެކު މިއަހަރުގެ އޯލެވެލް އިމްތިޙާނު މިއަދު ފަށައިފިއެވެ.
މި އިމްތިހާނު ފަށާފައިވަނީ އެހެން އަހަރުތަކެކޭވެސް އެއްގޮތަށް އެސްއެސްސީ އިމްތިހާނާއެކުގައެވެ.
އެގޮތުން، މިއަދު އޮތީ ދިވެހި މާއްދާގެ އިމްތިހާނެވެ.
މިފަހަރުގެ އިމްތިހާނު 267 ސެންޓަރެއްގައި ކުރިއަށްދާކަމަށް ތައުލީމީ ވުޒާރާއިން މައުލުމާތުދެއެވެ. އެއީ މާލޭގެ 21 ސެންޓަރަކާއި، އަތޮޅުތަކުގެ 246 ސެންޓަރެވެ.
މި އިމްތިހާންތައް ކުރިއަށްދާނީ އަންނަ މާޗު މަހުގެ 6 ވަނަ ދުވަހާ ހަމައަށެވެ.
ދިރާސީ އަހަރަށް ގެނައި ބަދަލާއެކު ބޮޑު ބަންދަކަށްފަހު 80،000 އަށްވުރެ ގިނަ ދަރިވަރުންނާއެކު މި އަހަރުގެ ކިޔެވުން ފަށާފައި ވަނީ އިއްޔެއެވެ. އެއާއިއެކު މިއަދު މިވަނީ ފެބްރުއަރީ މާޗްގެ އޯލެވެލް ހަދަންފަށާފައެވެ. މިދިޔަ އަހަރު މި އިމްތިހާނުތައް ހަދާފައިވަނީ އޭޕްރިލް މަހާއި މޭ މަހުގައެވެ. އަދި މި އަހަރުގެ ނޮވެންބަރު މަހުވެސް އޯލެވެލް އިމްތިހާނު ހަދާނެއެވެ.
އިއްޔެ ދެއްވި ޚިތާބެއްގައި، އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވަނީ، އޯލެވެލްގެ އެސްއެސްސީ އިމްތިހާނަށް ޤުރުއާން މާއްދާ ކިޔަވައިދޭން ފަށައި، އަންނަ އަހަރުން ފެށިގެން އެ މާއްދާއިން އިމްތިހާނު ބާއްވަން ނިންމާފައި ވާކަމަށް ވެސް އިއުލާނުކުރައްވައިފައެވެ.
Advertisement
This content is created and paid for by advertisers and does not involve Voice Journalists
