ޖިންސީ ފުރައްސާރައިގެ ތުހުމަތު ކުރެވުނު އެފްއައިޔޫގެ ވެރިޔާ މަޤާމުން ވަކިކޮށްފި
މޯލްޑިވްސް މަނިޓަރީ އޮތޯރިޓީ، އެމްއެމްއޭގެ ފައިނޭންޝަލް އިންޓަލިޖަންސްގެ ހެޑަކަށް ހުންނެވި އިސްމާއީލް ސާޖިދު މަގާމުން މިއަދު ވަކިކޮށްފިއެވެ.
ސާޖިދު މަޤާމުން ވަކިކޮށްފައިވަނީ، އޭނާގެ މައްޗަށް ތުހުމަތުކުރެވުނު ޖިންސީ ފުރައްސާރައިގެ މައްސަލާގައެވެ. އެމްއެމްއޭގެ ޖިންސީ ފުރައްސާރަ ހުއްޓުވުމާ ބެހޭ ކޮމިޓީން އެ މައްސަލަ ބެލުމަށްފަހު ސާޖިދުގެ މައްޗަށް ވަނީ މައްސަލަ ސާބިތުވިކަމަށް ނިންމާފައެވެ.
ސާޖިދުގެ މައްޗަށް ތުހުމަތު ކުރެވުނު ޖިންސީ ފުރައްސާރައިގެ މައްސަލާގައި އޭނާ ސަސްޕެންޑްކޮށްފައިވަނީ މިދިޔަ ޑިސެމްބަރުމަހުގެ ތެރޭގައެވެ.
މަރުކަޒީ ބޭންކްގެ ފައިނޭންޝަލް އިންޓަލިޖަންސްގެ ވެރިޔާގެ މަޤާމަށް އިސްމާއީލް ސާޖިދު އައްޔަނު ކުރައްވާފައިވަނީ، މިދިޔަ އަހަރުގެ އޮގަސްޓްމަހުގެ 3 ވަނަ ދުވަހުއެވެ. އިސްމާއީލް ސާޖިދަކީ ކުރިން ޓެކްސް އެޕީލް ޓްރިބިއުނަލްގެ މެމްބަރަކަށް ހުންނެވި ބޭފުޅެކެވެ.
Advertisement
This content is created and paid for by advertisers and does not involve Voice Journalists
