ޗިލީ ޗިކަން އަކީ ވަރަށް ގިނަ ގޭގޭގައި ހުކުރު ދުވަހު މެންދުރަށް ތައްޔާރު ކޮށްލާ ކެއުމެކެވެ. ތައްޔާރު ކޮށްލަން ކުޑަ ވަގުތުކޮޅެއް ނެގި ނަމަވެސް މިއީ  ކާލަން އެއްވަނައެވެ. އެހެންކަމުން މިއަދު ވޮއިސްގެ ބަދިގެއިން މި ގެނެސްދެނީ މީރުކޮށް ޗިލީ ޗިކަން ހަދާނެ ގޮތެވެ.

1 ކިލޯ ބޯންލެސް ޗިކަން ( އާދައިގެ މިނަކަށް ކިޔުބްކޮށް ކޮށާފައި)

1 ޖޯޑު ލީކްސް (ތުނިކޮށް ކޮށާފައި)

2 ރޯ ޓޮމާޓޯ (ކިޔުބްކޮށް ކޮށާފައި)

1 ޖޯޑު ކެރެޓް (މެދުން ފަޅާލުމަށްފަހު ކޮށާފައި)

1 ބޮޑު ފިޔާ (ތުނިކޮށް ކޮށާފައި) 

4 ލޮނުމެދު (ޗޮޕް ކޮށްފައި) 

2 މޭޒުމަތީ ސަމްސާ އިނގުރު ލޮނުމެދު ޕޭސް

ލޮނު

1 ސައިސަމުސާ އަސޭމިރުސް

1 މޭޒުމަތީ ސަމުސާ މުގުރި ރަތްމިރުސް

3 ސައި ސަމުސާ ސޯޔާ ސޯސް

1/2 ޖޯޑު ފްރައިޑް ޗިކަން ސޯސް

1 ބެލްޕެޕާ (ކިޔުބްކޮށް ކޮށާފައި)

1 ސައި ސަމުސާ އޮއިސްޓާ ސޯސް

2 މޭޒުމަތީ ސަމުސާ ޓޮމާޓޯ ޕޭސްޓް

ގިތެޔޮ މިރުސް

ތެޔޮ

ހިކަންދިފަތް 

ރާނބާފަތް

ނޫޑްލްސް ސޫޕް

1) 1 މޭޒުމަތީ ސަމުސާ އިނގުރު ލޮނުމެދު ޕޭސްޓް، 2 ސައި ސަމުސާ ސޯޔާ ސޯސް، 1/2 ސައި ސަމުސާ ލޮނު، އަދި 1 ސައި ސަމުސާ މުގުރި އަސޭމިރުސް އަޅައި ކުކުޅު މެރިނޭޓް ކޮށްލަން 15 މިނެޓް ބަހައްޓާށެވެ. ދެން ރޯފިލައި ކުޑަކޮށް ހަރުވެލަންދެން ތެލުލާލާށެވެ.

2) ފިޔާ، ލޮނުމެދު، ގިތެޔޮމިރުސް، ބެލްޕެޕާ، ލީކްސް، 1 މޭޒުމަތީ ސަމުސާ އިނގުރުލޮނުމެދު ޕޭސްޓް، ލީކްސް، ކެރެޓް، ޓޮމާޓޯ، ހިކަނދިފަތް، ރާނބާފަތް ތެޔޮ ފޮދެއްގައި މިލުވާލާށެވެ. 

3) ދެން ޓޮމާޓޯ ޕޭސްޓް، މުގުރި ރަތް މިރުސް، އޮއިސްޓާ ސޯސް، 1 ސައިސަމުސާ ސޯޔާ ސޯސް އަޅައި، ފެންފޮދެއްވެސް އަޅާލުމަށްފަހު 5 މިނެޓްވަންދެން ކައްކާލާށެވެ.

4) އެއަށްފަހު ޗިކަން ސޯސް އަޅާލާފައި، އެކުލަވާލުމަށްފަހު ނޫޑްލްސް ސޫޕްވެސް އަޅާލާށެވެ. އަދި ކުކުޅު ކޮޅު އަޅާލާފައި ކުޑަ ފެންފޮދެއް އަޅާލައިގެން އޮލަވަންދެން ކައްކާލާށެވެ.