ރާއްޖޭގެ ދެކުނުގެ 4 އަތޮޅު ކަމުގައިވާ އައްޑޫ އަތޮޅާއި، ފުވައްމުލަކާއި، ގއ.އަތޮޅު އަދި ގދ. އަތޮޅު ވައިގެ ދަތުރު ފަތުރުގެ ނިޒާމަކުން ގުޅާލައިފިއެވެ.

މި ދަތުރުތައް ފެށުމަށް ހަމަޖެހިފައިވަނީ 1 ފެބްރުއަރީން ފެށިގެންނެވެ.

މިކަމަށްޓަކައި ގަން އިންޓަރނޭޝަނަލް އެއަރޕޯޓުގައި މިއަދު ބޭއްވި ޚާއްޞަ ރަސްމިއްޔާތު ޝަރަފުވެރިކޮށްދެއްވީ، ދަތުރުފަތުރާއި މަދަނީ އުދުހުންތަކާބެހޭ ވަޒީރު މުޙައްމަދު އަމީންއެވެ.

މި އޮޕަރޭޝަންގެ ބޭސްއަކަށް ގަން އިންޓަރނޭޝަނަލް އެއާޕޯޓް ހަމަޖައްސާފައިވާއިރު، އެ އެއާޕޯޓްވެގެން ގޮސްފައިވަނީ އައިލެންޑު އޭވިއޭޝަންގެ ތާރީޚުގައި ވެލާނާ އިންޓަރނޭޝަނަލް އެއާޕޯޓު ފިޔަވައި އިތުރު އޮޕަރޭޝަން ބޭސްއެއްގެ ގޮތުގައި ކަނޑައެޅިގެން ދިޔަ ފުރަތަމަ އެއާޕޯޓަށެވެ.

މޯލްޑިވިއަނުން މި ދަތުރުތައް ކުރަން ހަމަޖެހިފައިވަނީ، 5 ސެކްޓަރ އަށް ބަހާލައިގެންނެވެ. އެއީ،

- އައްޑޫ ގަމުން، ކާޑެއްދޫ، ކޫއްޑޫ އެއާޕޯޓު އަދި ފުވައްމުލަކަށް

- ފުވައްމުލަކުން ކާޑެއްދޫ އަދި ކޫއްޑޫއަށް

• ގަން - ފުވައްމުލައް - 500ރ

• ފުވައްމުލައް - ކޫއްޑޫ - 650ރ

• ފުވައްމުލައް - ކާޑެއްދޫ - 650ރ

• ގަން - ކާޑެއްދޫ - 900ރ

• ގަން - ކޫއްޑޫ - 900ރ

މި ދަތުރުތައް ކުރުމަށް ހަމަޖެހިފައިވަނީ، މޯލްޑިވިއަންގެ އެންމެ ކުދި ސީޕްލޭން ދަތުރުތަކުގައި ބޭނުންކުރާ ޓްވިން އޮޓަރ މަރުކާގެ ބޯޓުތަކުގައެވެ. މިއީ، 15 މީހުންގެ ޖާގައިގެ ކުދި ބޯޓުތަކެކެވެ.